Quel articllo est ècrit en arpitan forésien de Vers-Charmasél / ORB lârge. |
Vers-Charmasél-Genceniéres | |
[ve.ʃɑʁ.ma.ˈzɛ ʒɛs.ˈnɛʁ] et [ve.ʃɑr.ma.ˈzɛ ʒɛs.ˈnɛr] | |
Le bôrg de Vers-Charmasél. | |
Gentilyiço | mondo de Vers-Charmasél-Genceniéresen arpitan ceux de Chalmazel-Jeansagnièreen francês |
---|---|
Noms arpetans | |
Ôtro nom arpitan | Vers-Charmesél-Genceniéres [ve.ʃe.mə.ˈze ʒã.sə.ˈnɛːr] et[ve.ʃa.mə.ˈzɛˑi ʒã.sə.ˈnɛːr] |
Noms ètrangiérs | |
Nom francês | Chalmazel-Jeansagnière |
Administracion | |
Règion culturâla | Arpetania |
Règion historica | Forês |
Payis | France |
Règion | Ôvèrgne-Rôno-Ârpes |
Dèpartament | Lêre |
Arrondissement | Montbréson |
Entèrcomunalitât | Lêre Forês Agllomèracion |
Sendeco Mandat | Valèri Gotafârda 2020-2026 |
Code postâl | 42920 |
Code comena | 42039 |
Dèmografia | |
Populacion municipâla | 454 hab. (2019 ) |
Densitât | 8,5 hab./km2 |
Geografia | |
Coordonâs | |
Hôtior | Min. 740 m Max. 1 600 m |
Supèrficie | 53,39 km2 |
Tipo | Comuna campagnârda |
Sôl d’atraccion | Comuna defôr l’atraccion de les viles |
Èlèccions | |
Dèpartamentâles | Bouenc |
Lègislatives | 6éma circonscripcion de la Lêre |
Localisacion | |
Lims | |
Seto Vouèbe | chalmazel-jeansagniere.fr |
changiér |
Vers-Charmasél-Genceniéres, [ve.ʃɑʁ.ma.ˈzɛ ʒɛs.ˈnɛʁ],,,,,,,, (Chalmazel-Jeansagnière en francês) est na comuna novèla francêse et arpitana du Forês, que sè trôve dins le dèpartament de la Lêre en règion Ôvèrgne-Rôno-Ârpes.
El vint de la fusion u de les doves comunes de Genceniéres (qu’el ére na partia du Rouanês historico) et Vers-Charmasél.
Los habitents du vialâjo s’apèlont le mondo de Vers-Charmasél-Genceniéres [lə ˈmɔ̃.du d‿ve.ʃɑʁ.ma.ˈzɛ ʒɛs.ˈnɛʁ],,,.
La stacion de squi de Vers-Charmasél sè trôve a 1 109 mètros d’hôt, u couin los Bouescs, sus le tèrritouèro comunâl de Vers-Charmasél-Genceniéres. La stacion est rapondua u bôrg de Vers-Charmasél per los 6 kilomètros de la rota dèpartamentâla nô 63 et dèssèrvia per la legne L31 de los Cars Règion Lêre.
La promiére remontâ de la stacion est bâtia en 1953, pués, dempués los ans 1960, la stacion sè dèvelope sot l’empulsion d’Èlouè Mèrcor, prèsident du Squi-clube locâl, et d’Hanri Èssartél, segrètèro gènèrâl de la comuna de Montbréson et de la Règie de Vers-Charmasél. Los sotins u Consèly gènèrâl de la Lêre et a son prèsident, Touèno Pinê, pèrmetront la construccion de la tèlècabina en 1967.
Le domêno squiâblo vat de 1 109 a 1 600 mètros, tot drêt sus les pentes de Côrse-vache (1 634 mètros), sonjon de les montagnes du Sêr. Il sè siut entre bouescs et tepes d’hôtior sârvâges (les Hôtes Chârmes,) et il possède 12 kilomètros de pistes de squi arpin dèssèrvies per 1 tèlèsièjo dèbrèyâblo a petuflles et 7 tèlèsquis et èquipês de 90 canons a hivèrn,. Ôtrament le domêno at, quand les condicions lo pèrmètont, un tieton jas d’hivèrn et los alentôrns pèrmètont la pratica du squi de fond (domêno nordico de l’hôt Forês u col de la Loge) et du parasqui (col du Bial). La stacion propôse âssé des activitâts de l’étif, en particuliér difèrents parcors de VTT et des veriês a pied per le tèlèsièjo de les Jaceries.
La stacion recêt surtot des pratiques de tôs los jorns qu’els vegnont de la plana du Forês et des bachèts d’agllomèracion rouanês et èstèfanouès qu’ils sè trôvont a muens de 80 kilomètros, mas âssé, dins na muendra mesera, cllârmontês et liyonês.
This article uses material from the Wikipedia Arpetan article Vers-Charmasél-Genceniéres, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contegnu est disponiblo desot licence CC BY-SA 4.0 betâ a pârt mencion contrèra. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Arpetan (DUHOCTRUNGQUOC.VN) is an independent company and has no affiliation with Wiki Foundation.