Salmo Trutta

Cél articllo est ècrit en arpetan supradialèctâl / ORB lârge.

Salmo trutta

Truéta

Cllassement

Règno	Animalia
Fôrche	Chordata
Sot-fôrche	Vertebrata
Supèr-cllâssa	Osteichthyes
Cllâssa	Actinopterygii
Sot-cllâssa	Neopterygii
Enfra-cllâssa	Teleostei
Supèr-ôrdre	Protacanthopterygii
Ôrdre	Salmoniformes
Sot-ôrdre	Salmoniformes
Famelye	Salmonidae
Sot-famelye	Salmoninae
Genro	Salmo

Èspèce

Salmo trutta
Linnaeus, 1758

Statut de consèrvacion UECN

LC  : Petiôta prèocupacion

Salmo trutta est n’èspèce de pêssons de la famelye des Sarmonidos que corrèspond a la truéta comena eropèèna. L’èspèce est polimorfa. D’aprés les variètâts locâles et la situacion coutiére ou ben continentâla d’un cors d’égoua, na proporcion brâvament variâbla de les truétes qu’y vegnont u mondo pôvont migrar en mar. O est potencièlament n’èspèce envayissenta en Amèrica de Bise. Dens la plepârt des payis (qu’en France, u muens dês los ans 1960), sa pêche est règllamentâye (pèrmês, dâtes et endrêts de pêche, talye lègâla, etc.).

 

Dês sos comencements la taxonomia de l’èspèce at cognu tot plen de changements tramâs de fôtes et lo consensus d’ora réste bordâ de balants ; o est bon de considèrar cela taxonomia coment provisouèra.

Ègziste un mouél de fôrmes ou ben morfos, vareyent d’aprés l’enveronance que vivont dedens :

• la truéta fariô ou ben Salmo trutta fôrma fario, que crêt en reviére,
• la truéta de mar ou ben Salmo trutta fôrma trutta, por los endividus qu’ant migrâ en mar,
• la truéta de lèc ou ben Salmo trutta fôrma lacustris, por los endividus que crêssont dedens un lèc.

Mâlgrât lors aparences prod difèrentes, celes tropes sont pas des sot-èspèces mas fôrmont na solèta populacion dens châque reviére ou ben ensemblo de cors d’égoua vesins yô que sè reproduisont.

Ègziste asse-ben un mouél de sot-èspèces (que sè pôvont crouesiér) :

• Salmo trutta aralensis
• Salmo trutta macrostigma
• Salmo trutta oxianus

Notes

Vocabulèro

Rèferences