Ła Masoneria ła xe na "disiplina exoterega", inte el senso che cualche aparensa de ła so atività interna no i xe de dominio publico, ma coerti da riservatesa o asołutamente segreti.
I menbri de ła masoneria (i masoni) i xe ciamà anca framasoni, forma itałianisà del fransexe franc-maçon (freemason in łéngua inglexe), o sia «libaro muradore». El nome el deriva da ła pretexa disendensa de ła Masoneria da ł'asociasion de operai e muradori che ła se rifà a ła lejenda de Hiram, architeto del Tenpio de Sałomon.
A pare infati che, inte ła so veste operativa, ła masoneria ła sia nata come asociasion de mutuo juto e perfesionamento morałe intrà artexani muradori, mentre dopo ła ga adotà l'atuałe veste specułativa, trasformandose inte na confraternita de tipo inisiativo caraterixà dal segreto rituałe, co on'organixasion mondiałe.
I so afiłià i condivide i stesi ideałi de natura sia morałe sia metafixega e ła comune credensa inte on Esare supremo, ciamà Grande Architeto De ł'Universo (G.A.D.U.), recuixio - sto ultimo - no domandà ai partegnenti a ła masoneria de "tipo fransexe".
A no xe faxile ricostruire, in tèrmani storegamente incontrovertibiłi, ła nasita de ła Masoneria cofà fenòmano concretamente documentàbiłe e a xe par cuesto che calchiduni el xe rivà a concludare che łe so vere orixini łe se perde inte ła storia.
Controło de autorità | VIAF (EN) 125418765 · ISNI (EN) 0000 0001 1145 9966 · LCCN (EN) sh85051718 · GND (DE) 4018348-8 · BNF (FR) cb119411931 (data) · BNE (ES) XX105418 (data) · ULAN (EN) 500353358 · WorldCat Identities (EN) 125418765 |
---|
This article uses material from the Wikipedia Vèneto article Masoneria, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.