La educación (del latín educere guial u educare hormal) puei definilsi cumu:
El procesu bidirecional meyanti el cual se transmitin conocimientus, valoris, costumbris i holmas d'atual. La educación no sólu se prouci a través de la parabra: está presenti en tolas muestras acionis, sentimientus i atituis, los cualis son anombraus nel ámbitu eucativu cumu "currículu açonchau".
El procesu d'envinculaeru i concenciación curtural, moral i condutal. Desti mó, meyanti la eucáncia, las heneracionis nuevas deprendin los conocimientus, normas de conduta, mós de sel i holmas de vel el mundu de heneracionis anterioris, criandu amás otrus nuevus.
Procesu de socialiçación hormal de los endividus duna socieá.
La eucáncia se comparti entri las pessonas pol mé las muestras ideas, curtura, conocimientu... respetandu siempri a los demás. Esta nu siempri se da nel aula. Desistin tres crasis d'eucáncia: la hormal, la nu hormal i la enhormal.
La educación hormal es la escolal, básicamenti centrá enos chirivehis.
La educación nu hormal se dá enas estitucionis eucativas huera la escuela.
La educación enhormal es aquella ena que nu ai una entención esplícita d'eucal.
Una de las definicionis más enteresantis mos la proponi unu los más grandis pensaoris, Aristóteles: "La educación consisti en derihil los sentimientus de pracel i dolol pal ordin éticu."
El ohetivu dela educación es:
Homental el procesu d'estruturación del pensaeru, de la imahinación criaora, las holmas d'espresión presonal i de comunicación verbal i gráfica.
Favorecel el procesu de maduración de los chirivehis eno sensoriu-motol, la manifestación lúdica i estética, el esmiençu eportivu i artísticu, el crecimientu sociu afetivu, i los valoris éticus.
Homental ábitus d'entegración social, de convivéncia grupal, de solidariá i coperación i de conservación del meyu ambienti.
Esarrollal la creativiá nel endividu.
Hortalecel la envinculación entri la estitución eucativa i la família.
Prevenil i atendel las desigualdais físicas, psíquicas i socialis prevocás en deferéncias d'ordin biulóhicu, nutricional, familial i ambiental pol mé pogramas especialis i acionis articulás con otras estitucionis comunitárias.
Concetu d'eucáncia
La eucáncia es un procesu de socialiçación de presonas nuna socieá ondi s'esarrollan capaciais enteletualis, albeliais, destreças i ténicas a los estuyantis. La eucáncia básica es de bardi pa tolos estuyantis, inque ebiu a la escasés d'escuelas púbricas, tamién desistin una tupa escuelas privás i parroquialis.
La eucáncia se refieri a la enfluéncia ordená i voluntária ehelcia sobri una presona pa holmala u esarrollala.
This article uses material from the Wikipedia Estremeñu article Educación, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.