Sare Elektriko

Hiru elementu nagusi dira sare elektrikoa osatzen dutenak:

• Energia sortzea. Energia elektrikoa zentral elektrikoetan sortzen da; oinarrizko energia batetik ateratakoa da; sortutakoan sarera bidaltzen da. Zentral elektrikoetan potentzia handietan sortzen da. Gaur egun gero eta energia berriztagarri puntuak sortzen hari dira (autokontsumokoak direnak batez ere), toki gehienak etxebizitzetako teilatuak izaten hari dira eguzki panelez beteak.

• 

  Azpiestazio elektrikoa. Sare elektriko barnean tentsioak edo maiztasuna ere aldatzeko gai diren instalazioak dira. Beste gaitasun bat dauzkatena beste sareekin konexioak egin dezakete. Horrenbeste, bi azpiestazio mota ezagutzen dira:
  • Transformaziozkoak. Tentsioa zein maiztasuna aldatzeko gai dira. Azpiestazio hauetan elementurik garrantzitsuena transformadorea da, zeren tentsio aldaketa egiten duen elementua da.
  • Konexiozkoak. Bi zirkuitu edo gehiago konektatzen dituen instalazioak dira. Azpiestazio mota hauetan aldera, elementurik garrantzitsuenak etengailuak eta ebakigailuak dira.

• Sareak. Hauek duten helburua energia garraitzea da, hau da, energia sortzen den puntutik azkenengo kontsumitzaileenganaino eramatea da helburua. Horretarako bi sare mota desberdin daude, bata distantzia handietarako eta bestea distantzia txikietarako baitira.

Bi sare mota nagusi ditugu sare elektrikoan:

• Garraio sareak. Energia elektrikoa sorkuntza gunetik, hau da, zentral elektrikotik azpiestazio elektriko zentraletaraino garraiatzea da. Bi kokapenen arteko distantziaren arabera, garraioa erdi tentsioan edo goi tentsioan izaten da. Gero eta distantzia handiagoa izan gero eta tentsio altuagoa izaten da hoberena tentsio galera asko ez edukitzeko garraioaren azkenengo puntuan Joule efektuaren bidez.

   

• Banaketa-sareak. Azkenengo kontsumitzaileei energia elektrikoa eramaten duen sarea da. Bi motatako sareak daude:
  • Oinarrizko sareak. Erdi tentsioko sareak dira, 45kV eta 132kV artean igarotzen dira. Airezkoak edo lurperatuak izan daitezke. Sare mota honen funtzioa bigarren mailako sareari energia ematea da; gainera, industrian kontsumo ugari balu, sare honetan konektatu daiteke.
  • Bigarren mailako sareak. Sare hauek ere airezkoak edo lurperatuak izan daitezke; baita, erdi tentsioan (15kV edo 20kV). Sare mota honetan ere, behe tentsioko banaketa, barnean dago. Banaketa hartarako tentsioa jaitsi behar da, horretarako transformadoreak erabiltzen dira transformazio guneetan.

• Sorgailu elektrikoa
• Korronte alternoa
• Sistema trifasikoa
• Transformadorea
• Joule efektua