Remigio Gandasegi Gorrotxategi edo —bere garaiko euskal prentsan idazten zen bezala— Gandasegi ta Gorrotxategi'taŕ Eŕemigi (Galdakao, Bizkaia, 1871ko urtarrilaren 5a - Valladolid, Espainia, 1937ko maiatzaren 17a) 1905 eta 1937 bitartean Ciudad Realgo, Segoviako eta Valladolideko gotzain-aulkietatik igaro zen euskal artzapezpikua zen.
1893an apaiztu zen Gasteizko apaizgaitegian. 1905ean Dorako apezpiku titular eta ordena militarren priore izendatu zuten. 1914an Segoviako elizbarrutiko apezpiku izendatu zuten. 1920an Valladolideko artxidiozesiko artzapezpiku izendatu zuten.
1936ko uztaileko Espainiako estatu-kolpeak Donostiako San Ignazio Klinikan harrapatu zuen eta CNTko kideek eraman zuten atxilo. 55 eguneko gatibualdiaren ondoren, Pello eta Andres Maria Irujo anaiek eta Alberto Onaindia kalonjeak Remigio askatu zuten, Jesus Eskauriatza komandante anarkistaren laguntzarekin.
1937ko maiatzaren 17an hil zen arrazoi naturalengatik Valladoliden.
Bere omenez, Bilboko Santutxu auzoan, kale batek bere izena darama, Remigio Gandasegi monseñorea hain zuzen ere. Hor egon zen Karmelo ikastolaren zati bat 1978tik 2014ra arte.
Aurrekoa Casimiro Piñera y Naredo | Dorako apezpiku titularra eta ordena militarren priorea 1914 – 1920 | Ondorengoa Francisco Javier Irastortza Loinatz |
Aurrekoa Julián Miranda Bistuer | Segoviako elizbarrutia 1914 – 1920 | Ondorengoa Manuel de Castro Alonso |
Aurrekoa José María Cos y Macho | Valladolideko artzapezpikua 1920 – 1937 | Ondorengoa Antonio García y García |
This article uses material from the Wikipedia Euskara article Remigio Gandasegi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.