Paul Marvin Rudolph (Elkton, Kentucky, AEB, 1918ko urriaren 23a - 1997ko abuztuaren 8a) estatubatuar arkitektoa izan zen.
Paul Rudolph | |
---|---|
Bizitza | |
Jaiotza | Elkton, 1918ko urriaren 23a |
Herrialdea | Ameriketako Estatu Batuak |
Heriotza | New York, 1997ko abuztuaren 8a (78 urte) |
Heriotza modua | berezko heriotza: mesotelioma |
Hezkuntza | |
Heziketa | Harvard Unibertsitatea Auburn University (en) Harvard Graduate School of Design (en) |
Hizkuntzak | ingelesa |
Jarduerak | |
Jarduerak | arkitektoa eta unibertsitateko irakaslea |
Lantokia(k) | Sarasota (Florida) |
Enplegatzailea(k) | Yale Unibertsitatea |
Lan nabarmenak | |
Kidetza | Arteen eta Zientzien Ameriketako Estatu Batuetako Akademia Ameriketako Estatu Batuetako Arte eta Letren Akademia Accademia delle Arti del Disegno (en) |
Mugimendua | Arkitektura brutalista |
Lehenengo ikasketak Alabamako Institutu Politeknikoan egin zituen, Auburnen, eta ondoren, Harvard Unibertsitatean osatu zituen, Cambridgen. Han graduatu zen 1947. urtean, eta bere estudioa sortu zuen 1952an.
Rudolphek alde batera utzi zuen Bauhausen tradizio estua bere lanetan, eta adierazkortasun handiagoko bideak bilatu zituen, formak adierazmolde gisa duen ahalmena azpimarratuz. Hasierako obretan ekonomia bilatu zuen, koherentzia eta forma-soiltasuna, adibidez, Wellesley Collegeko Mary Cooper Jewett Centerren (Massachusetts, 1955 eta 1958).
1958an Yale Unibertsitateko Arkitektura Fakultateko zuzendari izendatu zuten, eta harrezkero, forma konplexuagoak erabiltzen hasi zen. Formarekiko kezka hainbeste nabarmendu zen bere obran, non Brutalismo Berria joeraren baitan sailkatu zuten, beren konplexutasunagatik eta zailtasunagatik fisikoki ia ezin egin daitezkeen obrak egiten dituzten egileen sailean, alegia. Horrela, bereziki, ingurune urbanoetarako eta akademikoetarako prestaturiko diseinu dramatiko konplexuek eman zioten ospea.
Lan nagusiak New Havenen egin zituen, adibidez, Yale Unibertsitateko garajea (1958-1964), Agronomoen fakultatea (1958), mila eta bostehun autorentzako garajea (1959), zaharrentzako etxeak (1965) eta abar. Aipagarriak ditu, aurrekoez gainera, Alabamako Tuskegee Chapel (1960), Jacksonvilleko etxea, Floridan (1962), Bostongo Governement Center (1963), Siracusako udaletxea(1964) eta bere lan bitxienetako bat, Yaleko Arte eta Arkitektura Eskola (1963), 9 solairukoa, barruan 36 maila desberdin dituena. 1965ean New Yorkera aldatu eta Statford Harbour egoitza-etxeen saileko proiektua osatu zuen 1966an, eta 1968an New Yorkeko Graphic Art Center. Aurrerantzean udal-proiektuak prestatzen eta modulukako sistemak lantzen jardun zuen nagusiki.
Wiki Commonsen badira fitxategi gehiago, gai hau dutenak: Paul Rudolph |
This article uses material from the Wikipedia Euskara article Paul Rudolph, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.