Metro-2 (errusieraz Метро-2) ustezko sekretupeko Moskuko metro sistema da, lur azpikoa, eta Moskuko metro publikoaren parekoa.
Uste denaren arabera, Stalinen garaian (edo une hartatik aurrera) eraiki zen garraio sistema, eta KGB polizia sekretuak D-6 gisa izendatzen omen zuen .
Errusiako kazetariek agertu izan dutenez, Errusiako Zerbitzu Sekretu Federalak eta Moskuko metroko zuzendaritzak ez dute bigarren metro sistema baten existentzia baieztatu edo gezurtatu.
Zurrumurruen arabera, Moskuko metro zibila (publikoa) baino luzeagoa da. Esaten denaren arabera, 4 lerro lituzke metroak, eta, 50 eta 200 metroko sakoneran kokatuta legoke. Kremlin gotorlekua eta Errusiako Zerbitzu Sekretu Federala lotzeaz gain, Vnukovo-2 aireportua, Ramenki inguruan legokeen lur azpiko hiria, eta beste zenbait toki garrantzitsu lotzen omen ditu ustezko metroak.
Hiriko esploratzaile talde batek esan zuen ustezko metroaren ateetako batekin egin zuela topo, 1994an.. Bestalde, metro honi buruzko informazio guztia «espekulatiboa», eta «irudiekin indartu gabea» dela esan izan da. Ustezko eraikitze lanetan partu hartu izandakoen testigantzak daude, eta espeleologo taldeek, Bigarren metroa «ikusi» izana baieztatzen dute. Alabaina, ez dago «lehen eskuko» informaziorik .
This article uses material from the Wikipedia Euskara article Metro-2, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.