Emmanuel N'Djoké Manu Dibango (Duala, 1933ko abenduaren 12a - Paris, 2020ko martxoaren 24a) kamerundar saxofoi-jotzaile, pianista, bibrafonista, orkestra zuzendari, musikagile, konpositore eta abeslaria izan zen.
Haren estiloa jazz, soul eta afrikar erritmoen fusio bat zen, eta baita saltsarena ere, neurri txikiagoan bada ere.
| Manu Dibango | |
|---|---|
.jpg) (2019) | |
| Bizitza | |
| Jaiotzako izen-deiturak | Odilien Emmanuel Dibango |
| Jaiotza | Duala, 1933ko abenduaren 12a |
| Herrialdea |  Kamerun  Frantzia |
| Heriotza | Melun, 2020ko martxoaren 24a (86 urte) |
| Hobiratze lekua | Grave of Manu Dibango (en)  |
| Heriotza modua | berezko heriotza: COVID-19a |
| Hezkuntza | |
| Hizkuntzak | frantsesa |
| Jarduerak | |
| Jarduerak | musikagilea, saxofoi-jotzailea, abeslaria, estudioko musikaria eta musikaria |
| Jasotako sariak | ikusi
|
| Izengoitia(k) | Jr. Dibbs |
| Genero artistikoa | jazza Groove (music) (en) world musica makossa (en) soukous (en) afrobeata heavy metala |
| Musika instrumentua | saxofoi altua bibrafonoa ahotsa soprano saxophone (en) tenor saxophone (en) pianoa gitarra Hammond organoa baritone saxophone (en) |
| Diskoetxea | Decca (en) Fania Records (en) Island Records Philips |
              | |
Emmanuel "Manu" Dibango Kamerungo Duala hirian jaio zen 1933ko abenduaren 12an. 1940an, Frantziara joan zen, eta han ikasi zuen pianoa eta saxofoia jotzen. Adituen hitzetan, ordea, Bruselan hartu zuen haren musikak gerora ezagun bilakatuko zuen afrikar doinua, hiri hartan bizi ziren Kongoko musikariekin izandako harremanaren ondorioz.
Nino Ferreren taldeko pianista aritu zen, 1972an bakarkako ibilbideari ekin zion arte. Urte horretan, nazioarteko sona lortu zuen Soul Makossa abesti arrakastatsuari esker, eta bira egin zuen Ameriketako Estatu Batuetan zehar. Ordutik aurrera, batez ere Frantzian jarduten zuen arren, birak egin zituen bai Afrikan, bai Mendebaldeko herrialdeetan, batez ere Europan. Bere errepertorioan Frantziako abesti tradizionalak eta chanson garaikidekoak ere sartu zituen, Georges Brassensen Chanson pour l'Auvergnat edo Serge Gainsbourgen La javanaise kasu.
1994an, Afrikako musikari ospetsuenak —Angélique Kidjo, Salif Keïta, King Sunny Adé, Youssou N'Dour, Ray Lema, Papa Wemba, Touré Kunda...— bildu zituen Wakafrika diskoan. Beste musika talde eta bakarlari askorekin lan egin zuen, hala nola, Fania All Stars, Fela Kuti, Peter Gabriel, Herbie Hancock, Elíades Ochoa, Sinéad O'Connor, Sly and Robbie eta Oreka Tx-rekin. Kirikou et les Bêtes sauvages marrazki bizidunetako filmeko musikaren egileetako bat izan zen.
2020ko martxoaren 24an hil zen, 86 urte zituela, Covid-19 koronabirusaren infekzioak eragindako konplikazioen ondorioz.
Datuak: Q445829
Multimedia: Manu Dibango / Q445829This article uses material from the Wikipedia Euskara article Manu Dibango, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
