Orri honetan, irudiak (edo bestelako multimedia fitxategiak) Euskal Wikipediara nola igotzen diren erakusten da.
Igo ondoren irudiak artikuluetan nola txertatu jakiteko, ikus: «Laguntza:Irudiak»; erabilerari buruzko jarraibideen berri jakiteko, ikus: «Wiki: Irudien erabilerari buruzko politikak».
Wikimediako proiektu guztietarako, Wiki Commons da irudien biltegia. Euskarazko Wikipedian txertatu nahi den irudia Commonsera igo behar da lehenik. Horrela, gainera, Wikimediako beste proiektu eta hizkuntzetan ere egongo da erabilgarri.
Goiko loturaz baliatu zaitezke Wiki Commonsera joateko eta han irudia igotzeko. Bestela, irudiak igotzeko lotura zuzena hau da (lehenago, saioa hasi beharra dago).
Irudi eta fitxategi askeak besterik ezin da igo Wiki Commonsera. Igo nahi duzun irudi edo fitxategiak domeinu publikokoa izan behar du, edo beste lizentzia aske bat izan behar du (adibidez: GFDL, Creative Commons Aitortu edo Aitortu-PartekatuBerdin...).
Commonsen ez dira fair use motako irudiak onartzen; eta are gutxiago, egile eskubideak urratzen dituztenak. Azken horiek debekatuta daude Wiki Fundazioari lotutako edozein proiektutan, eta horrelakoak Wikipedian —edo Wikimediako beste edozein proiektutan— txertatzea, kontua blokeatzeko arrazoi izan daitezke.
Commonsera igotzen diren fitxategiak gaika ganoraz kategorizatu behar dira, beste erabiltzaileek erraz aurki ditzaten. Kategorien izenak ingelesez jarri behar dira, MediaWiki softwarearen internalizazioaren arazoa konpondu arte.
Irudiak Commonsera igo ondoren, Euskal Wikipedian dagokien artikuluan txertatu daitezke. Hemen dituzu horretarako jarraibideak: «Laguntza:Irudiak».
This article uses material from the Wikipedia Euskara article Laguntza:Irudiak nola igo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.