Julia Chávarri Otero (Cenicero, Errioxa, 1932-Gasteiz, 2011ko otsailaren 5a) hasieran moja izan bazen, gero utzi zuen eta gizarte langile bezala Gasteizen oso ezaguna egin zen.
Bere lan nagusietariko bat ijito herriko pertsonekin egin zuen nahiz eta bera payo izan; zentzu horretan Arabako ijitoentzat erreferentziako elkartea den Gao Lacho Dromen zuzendaria izan zen. Bizitza osoa lan horri eman zion. 1984an Gasteizko Udalak giza-eskubideen “Jesús de Galíndez" saria eman zion.
Julia Chávarri Otero | |
---|---|
Bizitza | |
Jaiotzako izen-deiturak | Julia Chávarri Otero |
Jaiotza | Cenicero, 1932 |
Herrialdea | Araba |
Heriotza | Gasteiz, 2011 (78/79 urte) |
Hezkuntza | |
Hizkuntzak | gaztelania |
Jarduerak | |
Jarduerak | gizarte-langilea eta moja katolikoa |
Julia Chávarrik Irakasle ikasketak, Arte Ederrak eta Gizarte Lana ikasi zuen. 1968an, artean moja izanik, Caritasen, Gasteizko ijitoekin lanean hasi zen. Urte haietan ijitoen herriaren bizi baldintzak oso gogorrak ziren eta haien bizimodua hobetzeari ekin zion. Bere lehenego lanak Jauregien Landetan zeuden txaboletan izan ziren; orduan bi erlijiosoren laguntza izan zuen: José Ignacio Alberdi eta José Luis Zabalza. 1970 Julia Chavarrí moja izateari utzi zion.
70. hamarkadaren hasieran, garaiko hiriko alkateak, Manuel Maria Lejarreta Gao Lacho Drom auzoaren kokapena erabakitzeko, ijitoen patriarkekin bildu zen. Toki horretan hamaika urte egon ziren, baina baldintzak gero eta okerragoak ziren eta 1981etik 1983ra utzi zuten. Jose Angel Cuerda alkate berriaren laguntzaz, Udalak prestamu bat eskaini zuen familia horiei hiriko auzo desberdinetan, batez ere Sansomendin, etxeak eskaintzeko. Urte batzuk geroago, Julia Chavarrík eta Bartolomé Jiménezek, azken hau ijitoen elkarteko presidentea, Erriberabeitiko Melledes herri hustua erosi zuten bertan langabezian zeuden ijito gazteentzako lan-tailerrak antolatzeko. Halaber, drogomenpekotasuna pairatzen zuten gazteentzako birgaitze terapia taldea ere sortu zuten.
2011ko otsailaren 5ean hil zen, 79 urte zituelarik. Cenizeron lurperatu zuten.
This article uses material from the Wikipedia Euskara article Julia Chávarri Otero, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.