Jose Angel Lujanbio: Arraunlari espainiarra
Jose Angel Lujanbio (Pasai Donibane, 1932ko maiatzaren 22a - ib., 2015eko uztailaren 22a) traineru estropadetako patroi onenetakoa izan zen, 60.
hamarkadaren bigarren erdialdean oso famatua bihurtu zena. Kontxako 5 Bandera eta 4 Espainiako Txapelketa irabazi zituen besteak beste. Bere semea den Juan Mari Lujanbiok beste bost Kontxako Bandera lortu ditu.
| Jose Angel Lujanbio | |
|---|---|
_-_Fondo_Mar%C3%ADn-Kutxa_Fototeka.jpg) | |
| Bizitza | |
| Jaiotza | Pasai Donibane, 1932ko maiatzaren 22a |
| Herrialdea |  Gipuzkoa, Euskal Herria |
| Heriotza | 2015eko uztailaren 22a (83 urte) |
| Hezkuntza | |
| Hizkuntzak | gaztelania euskara |
| Jarduerak | |
| Jarduerak | arraunlaria |
Kirol ibilbidea
1956an 24 urte zituela "Pedrotxo" entrenatzaileak jarri zuen San Juango traineruaren txopan eta urte hartan herriarentzako bigarren Kontxako Bandera eskuratu zuen aurrekotik 2 urtetara. Hurrengo urteetan Espainiako Txapelketak irabazi zituen Galizia aldean baina Kontxako Banderan 57 eta 60 arteko lau ekitaldietan bigarren izan zen. Herrian orduan traineru berri bat atera zuten Bibiano Etxabe patroi zela eta hiru Kontxa lortu zituzten. Jose Angel Lujanbiok alde egin zuen eta 63an Donostiako Jaizkibel traineruan aritu zen.
San Juanen lortu ez zuen onespena Hondarribian izan zuen 1965ean hasita lau ekitaldi jarraian irabazi baitzituen. 1967 eta 1968 urteetan Pedreñaren aurka irabazitako desafioek ezagun bihurtu zuten eta garaiko NO-DOan ere azaldu izan zen.
Zikloa amaitua zela ikusita 1970an Astillerora joan zen eta hiru urtetan goren mailara igo zuen. 1972an traineru garaitezina osatu zuen eta Espainiako Txapelketa irabazi zuen. Urte hartan gadu zuen estropada bakarra Kantabriako txapelketa izan zen eta honen ondorioz ezin izan zuen Kontxako Banderan parte hartu. 1973 arte bertan aritu zen eta ordutik aurrera talde ugaritan ibili zen, maila apalean hala ere.
Hona hemen patroitzan ibili izan den taldeen hurrenkera. Datuak falta dira.
| Taldea | Denboraldia/k |
|---|---|
| San Juan | 1956-1961 |
| Jaizkibel | 1963 |
| Hondarribia | 1965-1969 |
| Astillero | 1970-1973 |
| Koxtape (San Juan) | 1975 |
| Hernani | 1977 |
| Astillero | 1978 |
| ... | ... |
| Ciudad de Santander | 1989 |
| Zarautz | 1991 |
| Pontejos | 1997 |
| Astillero | 1998 |
Palmaresa
- Kontxako Banderak (5): 1956, 1965, 1966, 1967 eta 1968.
- Espainiako Traineru Txapelketak (4): 1957, 1958, 1959 eta 1972.
- Generalisimoaren Kopa (Coruña) (5): 1957, 1958, 1959, 1971 eta 1972.
- Nerbioiko Sari Handia (4): 1967, 1968, 1971 eta 1972.
- Santanderko Bandera (4): 1970, 1971, 1972 eta 1998.
- Gipuzkoako Traineru Txapelketa (1): 1967.
- Kantabriako Traineru Txapelketa (6): 1970, 1971, 1973, 1978, 1989 eta 1998.
Ikus, gainera
Kanpo loturak
- (Gaztelaniaz) Auñamendi Eusko Entziklopedia.
Datuak: Q16517832
This article uses material from the Wikipedia Euskara article Jose Angel Lujanbio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.