Jean-Louis Berthault (Paris, 1907ko urriaren 5a - Palm Springs, Kalifornia, 1997ko apirilaren 20a) frantses jantzi-diseinugilea izan zen.
Dekorazio-arteak ikasi zituen Parisen. Han ikasitakoak eragina izan zuen bere diseinu-lanetan. Agnès Drecollen Parisko jantzi-etxean hasi zen lanean, diseinugile gisa. New Yorkera joan zen bisitan, eta hango giroak liluratuta, bertan gelditu zen. Hattie Carnegierekin lan egin zuen zazpi urtez, Parisko moda Ameriketako bezeroen nahierara egokitzen. 1930eko hamarkadan, Windsorreko dukesak beretzat hartu zuen Little Carnegie Suit markaren sortzaileetako bat izan zen. Bezeroen artean, hainbat antzezle izan zituen, eta haien bidez, Columbia zinema-estudioetan hasi zen 1943an lanean. Hamazazpi urtez egon zen bertan, filmetarako jantzi-diseinua egiten. Zinemako izar askoren diseinatzailea izan zen filmetan, hala nola, Rita Hayworth, Judy Holliday, Rosalind Russell, Joan Crawford, Lana Turner, Doris Day, Katharine Hepburn, Vivien Leigh, Julie Andrews eta Liv Ullmanena. Jean Louis Inc. izeneko joskintza-etxea sortu zuen Beverly Hillsen, eta Hollywoodeko izarrez gainera, beste bezero famatu asko izan zituen. Hala ere, ez zion filmetan lan egiteari utzi. 1956an Jantzien Oscar Saria eman zioten Urrezko Cadillac filmagatik. Marilyn Monroek Madison Square Gardenen Happy Birthday Dear President abestia kantatzeko 1962an jantzi zuen soinekoa ere berak diseinatu zuen. Hainbat film ospetsuren jantziak diseinatu zituen: Gilda (1946), Shangaiko dama (1947), Carmen (1948), Salome (1953), Agurren dantza (1960).
Jean Louis | |
---|---|
(1973) | |
Bizitza | |
Jaiotzako izen-deiturak | Louis André Berthault |
Jaiotza | Parisko 1. barrutia, 1907ko urriaren 5a |
Herrialdea | Frantzia Ameriketako Estatu Batuak Haiti |
Heriotza | Palm Springs, 1997ko apirilaren 20a (89 urte) |
Familia | |
Ezkontidea(k) | Loretta Young (1993 - 1997) |
Hezkuntza | |
Hizkuntzak | frantsesa |
Jarduerak | |
Jarduerak | artista, gidoilaria, jantzi-diseinatzailea eta moda-diseinatzailea |
Jasotako sariak | ikusi
|
This article uses material from the Wikipedia Euskara article Jean Louis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.