Gracia Querejeta (Madril, Espainia, 1962ko abuztuaren 13a) espainiar zinema-zuzendaria da.
Gracia Querejeta | |
---|---|
Bizitza | |
Jaiotzako izen-deiturak | Gracia Querejeta Marín |
Jaiotza | Madril, 1962ko abuztuaren 13a (61 urte) |
Herrialdea | Espainia |
Familia | |
Aita | Elias Kerexeta |
Hezkuntza | |
Heziketa | Madrilgo Complutense Unibertsitatea |
Hizkuntzak | gaztelania |
Jarduerak | |
Jarduerak | film-zuzendaria eta gidoilaria |
Jasotako sariak | ikusi
|
Elías Querejeta zinema-produktorearen alaba da. Geografia eta Historiako ikasketak egin zituen. Zineman 1982an egin zuen debuta, Dulces horas ("Ordu gozoak") filmeko zuzendari laguntzaile gisa, Carlos Sauraren zuzendaritzapean (aitak ekoitzitako filma zen). Gero, alde batera utzi zuen zinema, ikasketak bukatu bitartean.
1988an, Tres en la marca filma egin zuen, Siete huellas talde-proiektuaren barruan, eta Bilboko Arriaga Antzokia saria irabazi zuen. Nacho Pérez eta Jesús Ruizekin batera, El viaje del agua (1990) dokumentala egin zuen, eta film labur onenaren Goya saria irabazi zuen. 1992ko urrian, Valladolideko Nazioarteko Zinema Astean, lehen film luzea aurkeztu zuen: Una estación de paso, zeinak Epaimahaiaren Sari Berezia jaso baitzuen. 1997an egin zuen bigarren film luzea, "Robert Rylandsen azken bidaia", eta, geroztik, Cuando vuelvas a mi lado (1997) eta Héctor (2004). Bestalde, Siete mesas de billar francés (2007) lanak gidoi onenaren epaimahaiaren saria jaso zuen Donostiako 55. Zinemaldian.
This article uses material from the Wikipedia Euskara article Gracia Querejeta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.