Dominika Etxart (Altzürükü, Zuberoa, 1933 – Oloroe, 2012ko martxoaren 16a) euskal herri-kantaria izan zen.
Bere bizitza osoan Zuberoa jaioterria eta zubererari sekulako atxikimendua izan zien, gainera erdi galduak ziren Zuberoako herri kantuak berreskuratzen lan aparta egin zuen.
| Dominika Etxart | |
|---|---|
 | |
| Bizitza | |
| Jaiotza | Altzürükü, 1933 |
| Herrialdea |  Zuberoa, Euskal Herria |
| Heriotza | Oloroe-Donamaria, 2012ko martxoaren 16a (78/79 urte) |
| Familia | |
| Seme-alabak | ikusi |
| Jarduerak | |
| Jarduerak | abeslaria |
| Musika instrumentua | ahotsa |
Hiru seme-alaba izan zituen Dominika Etxartek, Madalene Jarragoienekin batera: Niko Etxart abeslari eta musikaria zaharrena; Jean, hura ere kantaria eta Altzürükütarrak taldeko partaidea; eta Katti gazteena, dantzaria. Hiru seme-alabetan Niko izan zen Altzürükün jaiotako bakarra, urtebete zuela gurasoekin Parisera joan baitzen.
Dominikak 21 urterekin hartu zuen Frantziako hiribururako bidea. Han 37 urte egin zituen lanean — 1955etik 1992ra —, eliza handi bateko sakristau modura.
Niko Etxart semearekin ere kantari ibili zen bizi osoan, Parisen bizi izan bazen ere. Hiriburuko Euskal Etxean herri kantak eta berak sortutakoak ere bai eman ohi zituen, musika tresnarik gabe halere. Erretiratu eta Zuberoara itzuli zelarik, herriz-herri egin zituen kantaldiak bere seme Nikorekin eta suhi Robert Larrandabururekin batean. 2004 urtean era herrikoiaz moldaturiko kantez osatu zuten Eperra deitu diskoa.
Datuak: Q12256326This article uses material from the Wikipedia Euskara article Dominika Etxart, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
