Sir Anthony Alfred Caro (Londres, 1924ko martxoaren 8a - ibidem, 2013ko urriaren 23a) ingeles eskultorea izan zen.
Eskultura abstraktua egin zuen objektu industrialekin.
Londresen jaio zen jatorri juduko familia batean. Ingeniaritza ikasi zuen Cambridgeko Unibertsitatean eta gero eskultura Royal Academyn. Arte irakaslea ere izan zen. 1950eko hamarkadan Henry Mooreren laguntzailea izan zen eta modernismoan murgildu zen. David Smith eskultore amerikarra ezagutu ondoren, lan figuratibotik abstrakziora aldatu zen. Nazioarteko arrakasta lortu zuen 1950eko hamarkadatik. Bere eskulturak zuzenean lurrean kokatu zituen, eta ez idulki baten gainean. 1980ko hamarkadan antzinako Greziako eskulturan oinarritu zen eta 2000ko hamarkadan zaldizko irudiak egin zituen. Museo eta arte-galerietako erakusketa askotan parte hartu zuen.
This article uses material from the Wikipedia Euskara article Anthony Caro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.