Andreas Georgios Papandreu (grezieraz: Ανδρέας Γεώργιος Παπανδρέου; Kios, 1919ko otsailaren 5a - Atenas, 1996ko ekainaren 23a) greziar politikaria izan zen.
Georgios Papandreuren semea zen. Kontseilu ministroa (1964), eta Ekonomia eta Koordinazio ministroa (1965) izan zen bere aita lehen ministroa zelarik. Koronelen estatu kolpearen garaian (1967ko apirila) preso hartu zuten. Kartzelatik atera ondoren erbestera joan zen eta PAK (Askapen Mugimendu Panheleniarra) antolatu zuen.
1974. urtean Greziara itzuli zen eta PASOK (Alderdi Sozialista Panheleniarra) sortu zuen. 1981. urtean, sozialistak garaile atera ondoren, lehen ministroa izan zen. 1989. urteko hauteskundeak galdu zituen, baina 1993ko urriko hauteskunde orokorretan berriro eskuratu zuen aginpidea. 1993an berriz izendatu zuten lehen ministro, eta 1994an gobernu berria osatu zuen. Urte horren amaieran uko egin zion errepublikako lehendakaritzara aurkezteari. 1995eko irailean berriz ere berregituratu zuen bere gobernua, eta berak bideratutako kanpoko politikari eta politika ekonomikoari buruz kritiko agertu ziren zenbait ministro baztertu zituen. 1996an, bera gaixo zegoelarik, krisi bat sortu zen PASOK alderdian eta, urte bereko urtarrilean, dimisioa eman zuen lehen ministro gisa.
This article uses material from the Wikipedia Euskara article Andreas Papandreu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.