Ana Martínez de Luco (Urrunaga, Araba, 1960) moja euskalduna da, New Yorkeko (Estatu Batuak) irabazi asmorik gabeko Sure We Can birziklapen-zentroaren sortzailea.
Ana Martínez de Luco | |
---|---|
Bizitza | |
Jaiotza | Euskal Autonomia Erkidegoa, 1960 (63/64 urte) |
Jarduerak | |
Jarduerak | moja, community organizer (en) eta ekintzailea |
Martinez Euskal Herrian jaio zen eta 19 urterekin moja sartu zen. Kristau Komunitaterako Ahizpen antolaketakoa da. Asiatik pasatu ondoren 2004an, New Yorkera joan zen bizitzera, eta, hiru urte geroago, 2007an, Sure We Can birziklatze-zentroa sortu zuen Brooklynen. Leku hau New York hiriko irabazi asmorik gabeko birziklatze zentro bakarra da. Bertan kudeatzen dituzte jendeak kalean bildutako lata, botila eta bestelako ontziak.
Martinezen helburuetako bat da lan duina sortzea birziklatzen diharduten pertsonentzat, besteak beste, etorkinak, ezinduak, adinekoak eta etxerik gabeko pertsonak. Tailerrak zuzentzen ditu, eta langileei kooperatibei buruzko eskolak ematen dizkie. 2016an, Martinezek Sure We Can GKEko zuzendaritza-postuari uko egin zion.
This article uses material from the Wikipedia Euskara article Ana Martínez de Luco, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.