Alfonso García Robles

1939. urtean hasi zen gobernuaren zerbitzuan lanean, eta harrezkero hainbat karguren ardura izan zuen bere esku. 1945. urtean Nazio Batuen sorrerako biltzarrean parte hartu zuen. Besteak beste, bere sorterriaren ordezkari izan zen Suedian (1939-1941), Brasilen (1962-1964), NBEn (1971-1975) eta Genevako Desarmearen Biltzarrean (1977. urtetik aurrera). Mexikoko kanpo politikaren zuzendari orokorra (1941-1946) eta Kanpo Harremanetarako idazkaria (1975-1976) ere izan zen. Latinoamerikako Desnuklearizazioaren Aldeko Batzordearen lehendakari izan zen 1964-1967 bitartean, eta kargu hartan iraun zuen denboran garrantzi handiko hitzarmen bat sinatu zen arma nuklearrak murrizteko (Tlatelolcoko hitzarmena, 1967) eta erabaki zen, 1969an, OPANAL (Latinoamerikan Arma Nuklearrak Galarazteko Erakundea) erakundea sortzea. 1972an Mexikoko Colegio Nacionalen sartu zen eta Mexikoko eta atzerriko beste hainbat erakunde akademikotako kide izan da. 1982an Bakearen Nobel Saria eman zioten, Alva Myrdalekin batera, arma nuklearrak deuseztatzeko egindako lanari esker. Idazlan aipagarriak ditu, besteak beste, La desnuclearización de América Latina (1967, Latinoamerikaren desnuklearizazioa), El Tratado de Tlatelolco (1967, Tlatelolcoko hitzarmena) eta La Asamblea General del Desarme (1979, Desarmerako Batzar Orokorra).

Alfonso García Robles
Irudi gehiago
enbaxadore Secretary of Foreign Affairs of Mexico (en)
Bizitza
Jaiotzako izen-deiturak	Alfonso García Robles
Jaiotza	Zamora, 1911ko martxoaren 20a
Herrialdea	Mexiko
Heriotza	Mexiko Hiria, 1991ko irailaren 2a (80 urte)
Hobiratze lekua	Spanish Cemetery (en)
Hezkuntza
Heziketa	Mexikoko Unibertsitate Nazional Autonomoa
Hizkuntzak	gaztelania
Jarduerak
Jarduerak	diplomazialaria, idazlea, abokatua eta politikaria
Enplegatzailea(k)	Nazio Batuen Erakundea
Jasotako sariak	ikusi Bakearen Nobel Saria  (1982) Grand Cross of the Order of the Sun of Peru‎
Kidetza	Colegio Nacional (en)