Adrián Ferreño
Adrián Ferreño Mora (Villanueva de Gata, Cáceres, 1948) Cáceresen jaio eta Donostian bizi den margolaria da.
| Adrián Ferreño | |
|---|---|
| Bizitza | |
| Jaiotza | Cáceresko probintzia, 1948 (75/76 urte) |
| Herrialdea |  Gipuzkoa |
| Jarduerak | |
| Jarduerak | margolaria eta komikigilea |
1951n Donostiara etorri zen familiarekin bizitzera, eta bertan egin ditu bere artelanen erakusketa nagusiak. Bere kasa ikasi zuen, baina oso gazte hasi zen Gipuzkoako Elkarte Artistikora joaten, eta han osatu zuen bere prestakuntza. 1970eko hamarkadan, marrazkia eta margoketa landuz, beste arte-mota batzuk ere hasi zen lantzen: performanceak, arte ez kontzeptuala, eta hainbat happegingetan parte hartu zuen bere elkartekideekin batera. Lehen erakusketa Donostian bertan egin zuen, 1971n. Artea herritar guztiei zabaldu behar zitzaiela, eta bere lanak galerietan erakusteaz gain zuzenean ere saldu zituen garai batean Donostiako Konstituzio plazan. Maiz erakutsi ditu bakarka bere lanak, esate baterako, Bilboko Ederti (1991, 1992, 1996) eta Windsord (1980) erakustokietan eta Donostiako Galería Dieciséis erakustokian (1986, 1990, 1993). Iruñea, Zaragoza, Madril eta Cáceresen ere izan ditu lanak ikusgai. Bere obrak hainbat museo eta bildumatan daude: Donostiako San Telmo Museoan, Durango eta Gernikako Museoetan, Artelekun, Donostiako Kutxan, Gipuzkoako Foru Aldundian eta Ajuriaenean, besteak beste. Eusko Legebiltzarreko ateen diseinua ere berea da.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
- (Gaztelaniaz) Adrián Ferreño Auñamendi Entziklopedia
Datuak: Q12252809
This article uses material from the Wikipedia Euskara article Adrián Ferreño, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.