África de las Heras (Ceuta, 1909ko apirilaren 27a - Mosku, 1988ko martxoaren 8a) espainiar espioia izan zen.
Madrilen egin zituen ikasketak, baina 1923an Melillara joan behar izan zuen, hara bidali baitzuten bere aita, zigortuta, ideia liberalak zituelako eta Primo de Riveraren aurka zegoelako. 1932an, Madrilen, ehundegi batean hasi zen lanean, Espainiako Alderdi Komunistako kide egin zen, eta Asturiasko meatzarien matxinadan parte hartu zuen. Espainiako Gerra Zibilean, Espainiako espioi sobietarren buru Alexandr Orloven gidaritzapean aritu zen. Dirudienez, Leon Trotski buruzagi boltxebikearen atxiloketan parte hartu zuen, hura Mexikon zela, Stalinek deportaturik. 1939-1941 bitartean, Moskura joan zen, eta Errusiako Espioi Zerbitzu Federalaren aginduetara jarri zen, Maria Pavlovna izena hartuta. Bigarren Mundu Gerraren ondoren, Sobietar Errepublika Sozialisten Batasuneko Segurtasun Komisariotzako kide gisa, atzerrira bidali zuten, Patria izena hartuta. Berlinen izan zen, Parisen, Espainian eta Uruguain. Azken herrialde horretan jarri zen bizitzen, eta legez kanpokoen (babes diplomatikorik gabeko espioiak) taldearen arduradun izendatu zuten Hispanoamerika eta Europarako. 1956an Giovanni Antonio Bertonirekin ezkondu zen, Moskuko buruzagiek hala aginduta. Senarra hil zenean, Errusiara itzuli zen.
África de las Heras | |
---|---|
Bizitza | |
Jaiotzako izen-deiturak | África de las Heras Gavilán |
Jaiotza | Ceuta, 1909ko apirilaren 27a |
Herrialdea | Espainiako Bigarren Errepublika Sobietar Errepublika Sozialisten Batasuna |
Heriotza | Mosku, 1988ko martxoaren 8a (78 urte) |
Hobiratze lekua | Khovanskoye Cemetery (en) |
Familia | |
Ezkontidea(k) | Giovanni Antonio Bertoni (en) Felisberto Hernández |
Bikotekidea(k) | ikusi |
Hezkuntza | |
Hizkuntzak | gaztelania |
Jarduerak | |
Jarduerak | espioia |
Jasotako sariak | ikusi
|
Zerbitzu militarra | |
Parte hartutako gatazkak | Ekialdeko Frontea Bigarren Mundu Gerran |
This article uses material from the Wikipedia Euskara article África de las Heras, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.