Virinaj Seksorganoj
Inaj seksorganoj, Ina reprodukta sistemo aŭ Ina seksaparato estas aro de Inaj seksorganoj.
Kvankam iom konvencie, oni povas dividi la seksajn organojn de ino en eksterajn kaj internajn:
La eksteraj seksorganoj (vulvo) etendiĝas de la pubo ĝis la anuso, kaj konsistas el:
- puba monto aŭ monto de Venuso, elstaraĵo antaŭ la vulvo, kovrita de haroj.
- klitoro, erektiĝema organo, ĉe la antaŭo de la vulvo, sidejo de la seksekscitiĝo.
- himeno, faldo aŭ membrano, kiu fermas parte la enirejon de la vagino.
- nimfoj aŭ internaj lipoj, ĉe kies interna flanko troviĝas la duktoj de la Bartolinaj glandoj.
- eksteraj lipoj. Inter la klitoro kaj la himeno situas la uretra orifico.
La internaj seksorganoj estas en la pelva kavo:
- ovarioj, en kiuj formiĝas, evoluas kaj maturiĝas la ovoloj.
- salpingoj aŭ uteraj tuboj, duktoj situantaj inter la ovarioj kaj la utero.
- utero, kie la fekundigita ovolo fariĝas ovo, kiu mem transformiĝas al feto.
- vagino, kanalo inter la utero kaj la vulvo (= eksteraĵo de la seksaj organoj de ino), estas la organo de la kopulacio.
This article uses material from the Wikipedia Esperanto article Virinaj seksorganoj, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.