Turo Suĥarev
Turo Suĥarev (ruse Сухарева башня) en Moskvo, Rusio estis konstruata en 1692 - 1695 laŭ ordono de caro Petro la Unua kiel pordego de t.n.Zemlanoj Val (kavaliero).
La projekton desegnis arkitekto Miĥail Ĉoglokov. En ĉi areo situis regimento de pafistoj, kiun estris kolonelo Lavrentij Suĥarev. Lian nomon prenis la turo. Same nomiĝas Suĥareva placo, sur kiu la turo troviĝis. La placan vojkruciĝon formas strato Sretenka, avenuo Prospekt Mira kaj strato Ĝardena ringo.
| Turo Suĥarev | |
| ruse Сухарева башня Turo Suĥarev, Moskvo, | |
| muzeo | |
 | |
| Oficiala nomo: Сухарева башня | |
| Lando | Rusio |
|---|---|
| Municipo | Moskvo |
| Historia regiono | Rusujo reĝlando |
| Parto de | Moskvo |
| Situo | Turo Suĥarev |
| - koordinatoj | 55° 46′ 22″ N 37° 37′ 56″ O / 55.77278 °N, 37.63222 °O |
| Por publiko | alirebla |
| Horzono | IST |
| - somera tempo | ISST |
  Situo enkadre Rusio | |
 Vikimedia Komunejo: Moskvo | |
En la ampleksa konstruaĵo (ĝia pinto atingis 68.0 m) funkciadis Altlernejo de matematikaj kaj naŭtikaj sciencoj, Astronomia observatorio gvidita de grafo Jakobo Brjus (count James Daniel Bruce), filio de la Admiraleja Kolegio, la akvujo k.a.
Tra ĝi pasis pilgrimuloj venintaj el Moskvo al Sergijev Posad, kie ĝis nun situas monakejo Troice Sergieva Laŭro, sanktejo de rusaj ortodoksuloj.
Dum multaj jaroj ĉirkaŭ ĝi funkciadis pulbazaro de malnovaĵoj kaj antikvaĵoj, kie oni povis akiri eĉ raraĵojn.
La turo ekzistadis pli ol du jarcentojn. En 1934 ĝin oni detruis por faciligi stratan trafikon ene de Ĝardena ringo. Sub ĝi nun estas subtera trapesejo, en kiu oni povas vidi restaĵojn de fundamento de la turo. Tie ankaŭ funkcias la metrostacio Suĥarevskaja.
Eksteraj ligiloj
Bildoj, sonoj kaj videoj pri temo Turo Suĥarev en Vikimedia Komunejo - [1] video
- [2] mistera historio de la turo ruse
- [3][rompita ligilo] animala rusia filmo "Sorĉisto de Ekvilibro"
- [4][rompita ligilo] pri la turo angle
Bildaro
This article uses material from the Wikipedia Esperanto article Turo Suĥarev, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.