Parlamento De Aŭstralio
La Parlamento de Aŭstralio - (angle Parliament of Australia aŭ Commonwealth Parliament) - estas la legislativo de la registaro de Aŭstralio.
La parlamento estas duĉambra, principe kreita laŭ la brita parlamenta modelo, sed kun iom da influo de la usona sistemo. Laŭ sekcio 1 de la konstitucio de Aŭstralio, la parlamento konsistas el tri eroj: la Reĝo respektive Reĝino de Aŭstralio (kiu laŭdifine estas la sama kiel la Reĝo respektive Reĝino de Britio, do momente reĝino Elizabeto la 2-a), la Aŭstralia Senato kaj la Aŭstralia Ĉambro de Reprezentantoj. La reĝino estas kutime reprezentata fare de la Ĝenerala Guberniisto de Aŭstralio.
| Parlamento de Aŭstralio | |||||
|---|---|---|---|---|---|
 | |||||
| parlamento • duĉambra parlamento | |||||
| Komenco | 1-a de januaro 1901 vd | ||||
| Geografia situo | , 149° 7′ 28″ O -35.308056149.12444435° 18′ 29″ S, 149° 7′ 28″ O | ||||
| Lando(j) | Aŭstralio vd | ||||
| Sidejo | Parlamentejo de Aŭstralio | ||||
| |||||
| Parlamento de Aŭstralio | |||||
| |||||
| Retejo | Oficiala retejo | ||||
La unua parlamenta ĉambro, la Aŭstralia Senato, konsistas el 76 membroj. El ili po 12 reprezentas ĉiun ŝtaton, kaj po du ĉiun kontinentan teritorion.
La dua parlamenta ĉambro, la Aŭstralia Ĉambro de Reprezentantoj, nuntempe konsistas el 150 membroj, kiuj reprezentas distriktoj de la lando. La nombro de membroj ne estas fiksigita, sed povas varii laŭ limŝanĝoj de la distriktoj pro balotaj restrukturigoj. La lasta signifa ŝanĝo de la nombro de parlamentanoj okazis dum la jaro 1984, kiam la nombro de parlamentanoj subite kreskis de 125 al 148. Dum la jaro 1993, ĝi reduktiĝis al 147, dum 1996 realtiĝis ĝis 148 kaj dum la jaro 2001 altiĝis ĝis la nombro 150.
La du parlamentaj ĉambroj kunvenas en diversaj salonoj de la parlamentejo en la urbo Kanbero. La nuna parlamento estas la 42-a federacia parlamento ekde la sendependiĝo de Aŭstralio disde Britio.
Vidu ankaŭ
Eksteraj ligiloj
This article uses material from the Wikipedia Esperanto article Parlamento de Aŭstralio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.