Pakistana Rupio: Valuto uzata en Pakistano
La Pakistana rupio - urdue پاکستانی روپیہ - estas la nacia valuto de Pakistano.
Unu rupio estas dividita je cent paisa, sed la subdivido pro inflacio ne uzatas. La internacia valuta kodo laŭ la normo ISO 4217 estas PKR.
| Pakistana rupio | |
|---|---|
| valuto • rupio | |
| Ŝtato: | Pakistano |
| Subdivido: | 100 paisa (ne uzataj) |
| Kodo laŭ ISO 4217: | PKR |
| Mallongigo: | Rs |
| Ŝanĝokurzo | 1 usona dolaro = 85,6500 PKR 1 eŭro = 121,864 PKR (la 4-an de novembro 2010) |
Historio
La origino de la vorto "rupio" estas la sanskrita vorto rūp aŭ rūpā, kiu signifas "arĝenton" en multaj hindarjaj lingvoj. La sanskrita vorto rūpjakam (रूप्यक) havas la signifon "monero el arĝento". La el tio fontanta vorto Rūpaja estis uzata por nomi la moneron enkondukita fare de la ĥano Ŝir Ŝah Suri dum lia rego inter la jaroj 1540 kaj 1545. La pakistana rupio ekcirkulis kiam la lando sendependiĝis de Britio en 1947. Dum la unuaj monatoj de sendependeco, Pakistano uzis baratajn monerojn kaj monbiletojn kun la stampo "Pakistano". Novaj moneroj kaj monbiletoj estis eldonitaj en 1948.
Eksteraj ligiloj
This article uses material from the Wikipedia Esperanto article Pakistana rupio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.