Meksika Esperanto-Federacio: Landa organizo de Esperanto en Meksiko, Landa Asocio de UEA
La Meksika Esperanto-Federacio (MEF) estas la landa Esperanto-asocio de Meksiko.
Kvankam Esperanto alvenis en Meksikon jam en 1903, la armita etapo de la revolucio en la lando (1910-1917) forviŝis ĉiajn organizaĵojn de la unuaj jaroj. Nur en la posta etapo, kiam la situacio estabiliĝis, kelkaj pioniroj rekomencis la poresperantan agadon, inter kiuj elstaras M.C. Rodríguez, la plej aktiva de tiu tempo.
| Meksika Esperanto-Federacio | ||
|---|---|---|
 | ||
| landa asocio de UEA | ||
| Komenco | 1950 | |
| Lando(j) | Meksiko vd | |
| Retejo | Oficiala retejo | |
La alfluo de hispanoj ekzilitaj de la frankisma diktaturo injektis novan sangon ankaŭ en la meksika Esperanto-movado. Juan de Oyarzábal kaj Francisco Azorín Izquierdo eble estas la plej konataj el la esperantistoj de tiu epoko.
La organizaj klopodoj kulminis en 1950, per la fondo de Meksika Esperanto-Asocio (hispane Asociación Mexicana de Esperanto), kiu poste ŝanĝis sian nomon al Meksika Esperanto-Federacio (MEF). Kelkaj membroj estis: Angel Luna Cárdenas, Fidel Figueroa, Jorge Luis Gutiérrez, Ricardo Ruiz Carrillo kaj aliaj. Prezidanto de MEF estis profesoro Emilio Arias García, kiu eldonis la revuo "La Espero" kun Ricardo Ruiz Carrillo kaj Kyoko Matsumoto. La ĵurnalisto Ricardo Ruiz ankaŭ eldonis tradukojn de Tibor Sekelj, Miyamoto Masao kaj aliaj poetoj en la ĵurnalo "El Periódico de Mexico". La MEF tamen postrestis depost 1984 kaj kelkaj aktivuloj fondis la Meksikan Asocion por Progresado de Internacia Lingvo. Poste, tamen, ĝi kunfandiĝis kun MEF. Juan Jacobo Schmitter estis ties prezidanto en tiu nova epoko.
En 1996 estis reorganizita la Federacio; estis kunvokata fondkunveno por pridiskuti la statuton kaj elekti novan estraron. Tiel estis elektita profesorino Leonora Torres kiel prezidantino. Ankaŭ tiun jaron la organizaĵo estis oficiale registrita antaŭ la registaro. MEF organizis la Kvinan Tut-Amerikan Kongreson de Esperanto en 2001.
Post tiu Kongreso, Jorge Luis Gutiérrez estis elektita prezidanto. Li rezignis komence de 2003 kaj, dum la Sepa Nacia Kongreso de Esperanto (okazigita en majo, en Meksikurbo), Luis Raudón estis elektita prezidanto. Li prezidis la asocion ĝis la jaro 2008. Dum la 9-a Nacia Kongreso de Esperanto kiel prezidanto elektiĝis Mallely Martínez Mateos.
Ni ĉiuj estas la gazeto de MEF.
Vidu ankaŭ
Eksteraj ligiloj
- MEF, interreta paĝaro Arkivigite je 2008-08-21 per la retarkivo Wayback Machine
This article uses material from the Wikipedia Esperanto article Meksika Esperanto-Federacio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.