Heptatlono
Heptatlono estas konkurso de 7 atletikaj sportoj.
La nomo devenas de la grekaj vorteroj ἑπτά
| Heptatlono | |
|---|---|
 | |
| sporta fako | |
| kombinita atletika evento • sepopo | |
| Fakoj | |
| Kulminaj konkursoj | |
| Internacia federacio | |
| Rilataj paĝoj | |
| Kategorio:Sporto | |
[heptá] (sep) kaj kaj ἄθλος [athlos] (konkurso) respektive ἄθλον [athlon] (heroa ago). Konkursanton de heptatlono eblas neologisme nomi heptatleto, kvankam tiu vorto ne oftas en Esperanto kaj prefere por simpla kompreno evitindas.
En moderna atletiko, ekzistas du formoj de heptatlono - variaĵoj por virinoj kaj por viroj, kiuj konsistas el malsamaj sportoj. La vira heptatlono pli aĝas kaj okazas en subtegmentaj gimnastikejoj, dum la virina heptatlono okazas subĉiele kaj enkondukiĝis en la 1980-aj jaroj, olimpike unuafoje en la Somera Olimpiko 1984.
Virina heptatlono
Virina heptatlono estas kombinita atletika evento por virinoj en la programo de la Someraj Olimpikoj kaj en la Mondaj Ĉampionumoj de Atletiko de la internacia federacio IAAF. Ĝi konsistas el la sekvaj sportoj, el kiuj la unuaj kvar plenumiĝas la unuan tagon kaj la restaj tri en dua tago:
- 100-metra barierkuro
- altosalto
- kugloĵeto
- 200-metra kuro
- longosalto
- lancoĵeto
- 800-metra kuro
La heptatlono estas praktikata fare de virinaj atletoj ekde la komenco de la 1980-aj jaroj, kiam ĝi anstataŭigis la virinan pentatlonon, konkurson el kvin sportoj, kiel unuavica kombinita virina atletika konkurso (la lancoĵeto kaj la 800-metra kuro estis aldonitaj.
Olimpike, ĝi unue estis konkursa sporto en la Somera Olimpiko 1984. En la lastaj jaroj ekpraktikiĝis ankaŭ iuj virinaj konkursoj de dekatlono, do kunkurso el 10 sportoj, konsistanta el la samaj sportoj kiel vira dekatlono, nur en iom alia sinsekvo, sed la heptatlono restas la precipa kombinita ĉampionuma konkurso por virinaj atletoj. La brita atletino Jessica Ennis estas la momenta tenanto de olimpika ora medalo, post venko en la Somera Olimpiko 2012.
Ekzistas ankaŭ konkurso nomata tetradekatlono, el 14 atletikaj sportoj, kvazaŭ "duobla pentatlono" konsistanta el sep sportoj oble 2 tagoj.
Vira heptatlono
La alia versio estas sporthala konkurso, kutime praktikata nur per viraj atletoj. La vira hala heptatlono konsistas el la sekvaj sportoj, el kiuj la unuaj kvar okazas la unuan tagon kaj la restaj tri en dua tago:
- 200-metra kuro
- longosalto
- kugloĵeto
- altosalto
- 60-metra barierkuro
- stanga altsalto
- 1000-metra kuro
Eksteraj ligiloj
- naciaj rekordoj pri virina heptatlono Arkivigite je 2012-02-24 per la retarkivo Wayback Machine
- IAAF kalkulaj tabuloj kaj klarigoj pri heptatlono de la internacia federacio IAAF (same angle) Arkivigite je 2009-02-25 per la retarkivo Wayback Machine
- poentokalkulilo pri heptatlono (finne) Arkivigite je 2009-09-01 per la retarkivo Wayback Machine
This article uses material from the Wikipedia Esperanto article Heptatlono, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.