The Elephant Man
C'l artìcul chè 'l è scrit in Miranduléś
Miranduléś The Elephant Man | ||
 John Hurt e Anthony Hopkins in na figùra dal film | ||
| 'L óm elefànt 1980 | ||
|---|---|---|
| Regìa: David Lynch | ||
| Scritōr: Christopher De Vore • Ashley Montagu Eric Bergren • David Lynch • Frederick Treves | ||
| Atōr: John Hurt • Anthony Hopkins • Helen Ryan Anne Bancroft • John Gielgud • Freddie Jones Wendy Hiller • Michael Elphick • Hannah Gordon | ||
| Müsica: John Morris | ||
| Léngua: Ingléś • Francéś | ||
| Dürä dal film: 124 minüt | ||
| Nasiōṅ: Stat Unî • Régn Unî | ||
The Elephant Man (’L óm elefànt) 'l è 'n film biugràfic e dramàtic dal 1980 ad David Lynch, ch'al cònta la stòria 'd Joseph Merrick, 'n ingléś visû in dla secónda mità dal XIX sécul cun la sìndrum ad Prutèo. 'L è stâ girâ in biànc e négar.
La pelìcula l'è stada candidàda a òt Prèmi Òscar ma la n à purtâ a cà gnint. In tut l'à fat sù vint-siē migliòṅ ad dòlar in Nòrd Amèrica dòp ès'r-an custàda sinc.
Sunt
Joseph Merrick (John Hurt) 'l è 'n śōvan ruinâ da 'n brut mâł ch'al gh'à dasfurmâ tut al còrp e specialmènt la ghigna. Par campàr 'l è custrét a lauràr par strada faghénd di spetàcui p'r al sgnōr Bytes (Freddie Jones) ch'al 'l à batśâ „óm elefànt“. Par far in manéra ch'la gint la gh rida minga adrē quànd la 'l incróśa, al ragàs al và in gir tut quaciâ in cô c'n un sac sbuśî a 'l livèl di òć.
Quànd al dutōr Frederick Treves (Anthony Hopkins) 'l al véd, al decìd ad purtàr-al sèg par curàr-al ma a 'l uśdàł gl'infarméri i gh'aṅ scarésa 'd lò tant ch'al mèdag 'l è custrét a mét'r-al in na cambra da par lò cun la cap-infarméra, Màdar Shead (Wendy Hiller), ch'la gh tîṅ adrē. Al diretōr dla strutùra, Francis Carr Gomm (John Gielgud), 'l al vrév mandàr a cà parchè al n è minga 'd acòrd a pèrdar dal tèmp cun di caś impusìbii ma pò al càmbia idéa quànd al s rénd cònt che Merrick 'l è 'n sugèt dimóndi inteligènt e sensìbil.
Culegamènt estéran
This article uses material from the Wikipedia Emiliàn e rumagnòl article The Elephant Man, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.