Strade Perdute
C'l artìcul chè 'l è scrit in Miranduléś
Miranduléś Lost Highway | ||
| Strade perdute | ||
 Twiggy Ramirez e l'Arquette in na figùra dal film | ||
| Stradi pardùdi 1997 | ||
|---|---|---|
| Regìa: David Lynch | ||
| Scritōr: David Lynch • Barry Gifford | ||
| Atōr: Bill Pullman • Patricia Arquette • Jack Nance Balthazar Getty • Robert Loggia • Giovanni Ribisi Henry Rollins • Michael Massee • Ivory Ocean John Roselius • Robert Blake • Marilyn Manson David Byrd • Twiggy Ramirez • Leslie Bega | ||
| Müsica: Angelo Badalamenti | ||
| Léngua: Ingléś | ||
| Dürä dal film: 135 minüt | ||
| Nasiōṅ: Stat Unî • Frància | ||
Strade perdute (Stradi pardùdi) 'l è 'n thriller dramàtic americàṅ e francéś dal 1997 ad David Lynch ch'al 'l à anc scrit insém a Barry Gifford.
In dla culòna sunóra firmàda da Angelo Badalamenti Marilyn Manson, ch'al cumpâr in un camèo insém a Twiggy Ramirez in dal finàł dla pelìcula durànt la prujesiòṅ dal film pòran, al canta i braṅ Apple of Sodom e I Put a Spell on You.
Cl'òpra chè l'è custàda quìndas migliòṅ ad dòlar ma in di Stat Unî la 'n à muciâ sù sōl tri e sèt.
Sunt
Fred Madison (Bill Pullman) al sòna 'l saxòfun e 'l viṿ in na bèla vila a Los Angeles insém a sò mujér, la Renee (Patricia Arquette), che lò al créd ch'la gh méta i còran c'n un regìsta ad film pòran, Andy (Michael Massee). Un dè 'l sunadōr al taca a ricévar dal caséti vìddeo in du a s véd la sò cà, 'l sò cambri, lò e lē tòlt sò mént'r i dòrman. La pulisìa la n sà minga dar dal spiegasiòṅ in fiṅ tant che Fred al cata n'atra caséta ch'la móstra lò cun davśèṅ al cadàvar sćiancâ a pès dla Renee. 'L óm al finìs in parśòṅ.
Na nòt al sò còrp al s trasfórma da par lò dvintànd qvél 'd un śuvnòt ciamâ Pete Dayton (Balthazar Getty). I pulisiòt i n crédan mia a qvél ch'i védan, i n capìsan minga cuma pōl-'l èsar che Fred al gh l'àppia cavàda a scapàr via e cuma fà'l cal ragàs lè a 'vér tòlt al sò pòst. Pete al vîṅ mandâ lìbar, anc se tgnû 'd òć, e 'l pōl turnàr a lauràr cuma mecànig, al preferî 'd Dick Laurent (Robert Loggia), un gangster cgnusû méj cuma Mr Eddy. Un dè chi lò al pòrta in d'l ufisìna na ragàsa ch'la sumìlia dimóndi a la Renee, l’Alice Wakefield (Patricia Arquette). La dóna e Pete i tàc'n a 'ndàr fóra insém e lē la gh cònta ch'l'è stada custréta a finìr in dal gir dal pòran par cólpa 'd Laurent. La ragàsa la gh admànda 'd jutàr-la a purtàr via di bèsi a Andy par tacàr na vita insém luntàṅ da lè. Durànt al cōlp però Andy al pèrd la vita strabucànd e stablénd-as cun la sò ghigna atàc a 'n taulèṅ ad vēdar.
L’Alice e Pete i tōśan la màchina e 'd nòt i scàpan via p'r al deśèrt.
Culegamènt estéran
This article uses material from the Wikipedia Emiliàn e rumagnòl article Strade perdute, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.