C'l artìcul chè 'l è scrit in Miranduléś
Saint Paul (a s lèś /ˌseɪnt ˈpɔːl/ in ingléś da spés scurtâ in St. Paul) l'è na sità dal nòrd di Stat Unî, capitàł dal Minneśòta e secónd sèntar più impurtànt dal stat dòp Minneapolis. La ciàpa 'l sò nóm in unōr ad San Pàvel e l'è divìśa in darsèt quartēr.
La mùcia sù tarśènt-mila abitànt a 'l incìrca e la s cata in dla cuntèa 'd Ramsey a 'l incróś di fiùm Missisìpi e Minneśòta. Al sò clima 'l è cuntinentàł.
La sò ecunumìa la pōl cuntàr su l'indùstria chìmiga (Ecolab) e su qvéla dal màchini (Ford). A livèl pulìtic l'è na sità 'd sinìstra tant che tut i quàtar distrét dal senàt e i òt dla cambra i èṅ cuntrulâ p'r i demucràtic.
Tgnénd adrē a 'l censimènt dal 2010 la sò gint la s divìd fra 'n 60,1% ad biànc, un 15,7% ad négar, un 9,6% 'd ispànig e 'n 15,0% 'd aśiàtic. Al sò sìndig, da 'l 2006, 'l è Chris Coleman dal partî demucràtic-cuntadèṅ-laburìsta dal Minneśòta.
Saint Paul l'è na sità śmèla 'd Mòdna da 'l 1989.
This article uses material from the Wikipedia Emiliàn e rumagnòl article Saint Paul, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.