Paul Stephen Rudd, cgnusû méj cuma Paul Rudd (Passaic, 6 'd Avrìl dal 1969) 'l è 'n atōr, senegiadōr, ardupiadōr e prudutōr americàṅ. In dal Luj dal 2015 i gh'aṅ dâ na stéla in dla Hollywood Walk of Fame ad Los Angeles.
In dla sò caréra 'l à recitâ anc in soquànt telefìlm cuma Sisters e Friends, chè faghénd la part ad Mike Hannigan. In dal 2003 'l à spuśâ la prudutōra Julie Yaeger ch'la gh'à dâ dū fiōi.
Biugrafìa
Urigìnari dal New Jersey e fiōl dna còpia 'd ebrèj britànic, Rudd al taca la sò caréra a 'l cìnema in dal 1995 girànd la cumèdia Ragazze a Beverly Hills cun l'Alicia Silverstone e 'l film ad scarésa Halloween 6 - La maledizione di Michael Myers. 'L an dòp 'l è tùran dal rumàntic Romeo + Giulietta, pelìcula cun prutagunìsta Leonardo DiCaprio, pò a riva 'l dramàtic Le locuste cun Vince Vaughn e l'Ashley Judd.
In dal 1997 al gh'à la sò prima part da prutagunìsta in dal film L'oggetto del mio desiderio in du 'l rècita la part 'd un gay a fiànc dla Jennifer Aniston ch'la laurarà sèg in dal telefìlm Friends da 'l 2002 a 'l 2004. In dal 1999 al tōś part a na cumèdia prudóta par MTV da 'l tìtul 200 Cigarettes ch'in dal cast la gh'à anc Ben e Casey Affleck, la Kate Hudson, la Courtney Love, la Christina Ricci e Elvis Costello in un camèo.
In dal 2015 al ciàpa la part dal persunàǵ di Vendicadōr Ant-Man (Óm-Furmìga) in dla pelìcula fantàstica 'd Peyton Reed Ant-Man, trata da 'n fumét dla Marvel Comics. Ruud al farà incóra cal rōl chè anc 'l an dòp in Captain America: Civil War.
Filmugrafìa
1995 - Ragazze a Beverly Hills (Clueless), regìa dl'Amy Heckerling
This article uses material from the Wikipedia Emiliàn e rumagnòl article Paul Rudd, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.