Film 1943 L'ombra Del Dubbio
C'l artìcul chè 'l è scrit in Miranduléś
Miranduléś Shadow of a Doubt | ||
| L'ombra del dubbio | ||
 Cotten e la Teresa Wright in na figùra dal film | ||
| L'òra dal dubi 1943 | ||
|---|---|---|
| Regìa: Alfred Hitchcock | ||
| Scritōr: Gordon McDonell • Thornton Wilder Sally Benson • Alma Reville | ||
| Atōr: Joseph Cotten • Teresa Wright • Hume Cronyn Henry Travers • Patricia Collinge • Macdonald Carey Wallace Ford • Edna May Wonacott • Roger Newton | ||
| Müsica: Franz Lehár • Dimitri Tiomkin | ||
| Léngua: Ingléś | ||
| Dürä dal film: 108 minüt | ||
| Nasiōṅ: Stat Unî | ||
L'ombra del dubbio (L'òra dal dubi) 'l è 'n thriller psiculògic dal 1943 'd Alfred Hitchcock sarnî in dal 1991 da la National Film Registry dla bibliutéca dal cungrès di Stat Unî p'r èsar tgnû dacàt.
Sunt
La Charlotte Newton (Teresa Wright), dita "Charlie", l'è na ragasōla ad vint an stufa dla sò vita ad tut i dè. Lì lē la viṿ a Santa Rosa in Califòrgna insém a i sò genitōr, Joseph Newton (Henry Travers) e l’Emma (Patricia Collinge), e a dū fradèi, Roger (Charles Bates) e l’Ann (Edna May Wonacott). Un dè i gh dìśan ch'al fradèl più pìcul ad sò màdar, ch'al pòrta un nóm cumpàgn dal suo, Charlie Oakley (Joseph Cotten), 'l è drē a rivàr a cà sua par na vìśita e la śóvna la n stà piò in dla pèl. Chi lò però al n è briśa cal galantóm ch'a pâr ad fóra ma 'n sasèṅ ch'al fà sù i bèsi cupànd dal védvi vèci. 'L à decìś 'd andàr a catàr i sò parènt par lugàr-as méj da la pulisìa.
Pôc a la vòlta, cun 'l ajùt dal detective Jack Graham (Macdonald Carey) inamurâ 'd lē, la Charlie la taca a pinsàr ch'al masadōr dal védvi al sia pròpria sò sîṅ anc parchè lò al fà 'n dascórs catìṿ su 'd lōr, rivànd a paragunàr-i a dal bèsti grasi bòni p'r al masèl, e in d'l anèl ch'al gh'à dâ i gh'èṅ insìma al létri dal nóm e dal cugnóm dna vitma.
Oakley al s rénd cònt che la sò anvōda l'à naśâ quèl e 'l è decìś ad far-la fóra. Ma cupàr-la a n è minga fàcil. Na prima vòlta al próa a far-la strabucàr śò p'r al scali e pò al la sèra dènt'r a 'l garàǵ par far-la murìr vréd al gas dla màchina ma la śóvna la la scampa sèmpar. Charlie al decìd acsè ad butàr-la śò da 'n trêṅ.
Culegamènt estéran
This article uses material from the Wikipedia Emiliàn e rumagnòl article L'ombra del dubbio (film 1943), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.