Alien
C'l artìcul chè 'l è scrit in Miranduléś
Miranduléś Alien | ||
.png) Kotto, la Weaver e Holm in na figùra dal film | ||
| Aglièṅ 1979 | ||
|---|---|---|
| Regìa: Ridley Scott | ||
| Scritōr: Dan O'Bannon • Ronald Shusett | ||
| Atōr: Sigourney Weaver • Veronica Cartwright Yaphet Kotto • Tom Skerritt• Bolaji Badejo Ian Holm • Harry Dean Stanton • John Hurt | ||
| Müsica: Jerry Goldsmith | ||
| Léngua: Ingléś • Spagnōl | ||
| Dürä dal film: 117 minüt | ||
| Nasiōṅ: Stat Unî • Régn Unî | ||
Alien (Aglièṅ) l è 'n film fantàstic e ad scarésa dal 1979 ad Ridley Scott, vinsidōr dal Prèmi Òscar par gl'efèt speciài. 'L è 'l prim capìtul dal saga di Aglièṅ e 'l à dâ vita a tri séguit: Aliens - Scontro finale dal 1986, Alien3 dal 1992 e Alien - La clonazione dal 1997.
Custâ déś migliòṅ ad dòlar a 'l incìrca, al film al 'n à catâ sù da piò ad sènt. In dal 2002 'l è stâ sarnî p'r èsar tgnû dacàt in dla “National Film Registry” dla bibliutéca dal Cungrès di Stat Unî.
Sunt
L'astrunâṿ gigànta „Nustrôm“, ch'la scaròsa dla gint in dal spasi, l'è drē a turnàr in sla Tèra da 'l pianéda „Thedus“ pîna ad minerài mèntar 'l equipàǵ 'l è drē a punsàr ibernâ. A s trata ad sinc óm e dū dóni, al capitàṅ Dallas (Tom Skerritt), al sò vice Kane (John Hurt), 'l ufisiàł sientìfic Ash (Ian Holm), al tècnig-câp Parker (Yaphet Kotto) e 'l sò culéga Brett (Harry Dean Stanton), l'uficiàla Ripley (Sigourney Weaver) e la navigadōra Lambert (Veronica Cartwright). Insém a lōr a gh'è anc na bèstia mascotte, al gat rós tigrâ Jones.
A 'n sèrt punt al computer ad bōrd, „MOTHER“, al ricév un misterióś signàl 'd ajùt da 'n satèlit 'd un pianéda ch'i n cgnósan briśa e i gh'aṅ da daśdàr-as p'r andàr a védar, al règhli i èṅ acsè. I partìs'n in tri e quànd i èṅ là i véd'n al rutàm dn'astrunâṿ. Andâ dèntar i bùtan 'l òć su 'n cadàv'r aglièṅ scavśâ a l'altésa dal pèt pò tut 'd un trat da di śavàj ch'i pàran di óṿ a salta fóra na bestiulìna ch'la śbraga 'l casc a Kane par pò tacàr-'s a 'l sò grugn e mandànd-'l in coma. Chi àtar dū i al pòrtan sèg subìt su „Nustrôm“.
Dôp soquànt tèmp la bèstia la sa dastàca da par lē da 'l óm e la vèṅ catàda mòrta. Kane al s déśda e al pōl turnàr a far al sò lavōr ma méntar 'l è drē a magnàr insém a i sò cumpàgn al sćiòpa librànd 'n ès'r aglièṅ parasìta ch'al scapa via. 'L è 'l inìsi 'd 'n arbgàt par tut 'l equipàǵ.
Culegamènt estéran
This article uses material from the Wikipedia Emiliàn e rumagnòl article Alien, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.