Il Silenzio Degli Innocenti
C'l artìcul chè 'l è scrit in Miranduléś
Miranduléś Il silenzio degli innocenti | ||
| Il silenzio degli innocenti | ||
 La Jodie Foster in na figùra dal film | ||
| Al taśēr di inusènt 1991 | ||
|---|---|---|
| Regìa: Jonathan Demme | ||
| Scritōr: Thomas Harris • Ted Tally | ||
| Atōr: Jodie Foster • Anthony Hopkins • Scott Glenn Anthony Heald • Ted Levine • Charles Napier Frankie Faison • Kasi Lemmons • Brooke Smith | ||
| Müsica: Howard Shore | ||
| Léngua: Ingléś | ||
| Dürä dal film: 118 minüt | ||
| Nasiōṅ: Stat Unî | ||
Il silenzio degli innocenti (Al taśēr di inusènt) 'l è 'n film thriller e ad scarésa americàṅ dal 1991 ad Jonathan Demme trat da 'l rumànś umònim ad Thomas Harris, al secónd ch'al dascór dla figùra dal serial killer Hannibal Lecter. Custâ 19 migliòṅ ad dòlar, al 'n à pò ciapâ sù da piò ad duśènt-stantadū.
'L à purtâ a cà sinc Prèmi Òscar, i più impurtànt fra 'l àtar: p'r al film, par la regìa, par 'l atōr prutagunìsta, par l'atōra prutagunìsta e par la senegiadùra minga uriginàla.
Sunt
Jack Crawford (Scott Glenn), agìnt d'l FBI, al n sà piò in du ciapàr quànd al s cata a far frònt a soquànt masamènt ad śuvnòti ad òpra 'd un serial killer. Al decìd acsè ad dmandàr ajùt a 'l dutōr Hannibal Lecter (Anthony Hopkins), 'n ex psichiàtra e studiōś dal crìmin, ch'al s cata da òt an in na parśòṅ par ciucâ in dla tèsta dòp avér cupâ e pò magnâ soquànt sò pasînt. Al pulisiòt al créd che lò al sàppia quèl 'd ùtil in si cònt dal masadōr, ch'al s pòrta adrē al scutmàj ad “Buffalo Bill”, ma lì lò al n gh dà minga a mènt.
Jack alóra al dà 'l incàrag ad dascórar sèg a la śóvna Clarice Starling (Jodie Foster). Chi lē la capìs che par tiràr-ag fóra quèl la gh'à da vèrar-'s cun lò. Acsè, par far in manéra che Hannibal al gh pòsa cuntàr insìma, lē la gh astà a far-'s analiśàr e la gh diś che da pìcula la gh'éra armàśa dimóndi quànd la gh'à abû da scultàr i sîg dasprâ di agnèi pìcui a 'l masèl.
La saga
La saga la tōś riferimènt da i rumànś ad Thomas Harris ma i film i n èṅ minga vgnû fóra in d'l órdan giùst:
- Hannibal Lecter - Le origini del male 2007, regìa ad Peter Webber
- Manhunter - Frammenti di un omicidio 1986, regìa ad Michael Mann
- Red Dragon 2002, regìa ad Brett Ratner (afracimènt ad Manhunter - Frammenti di un omicidio)
- Il silenzio degli innocenti 1991, regìa ad Jonathan Demme
- Hannibal 2001, regìa ad Ridley Scott
Culegamènt estéran
This article uses material from the Wikipedia Emiliàn e rumagnòl article Il silenzio degli innocenti, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.