Il Silenzio Dei Prosciutti
C'l artìcul chè 'l è scrit in Miranduléś
Miranduléś The Silence of the Hams | ||
| Il silenzio dei prosciutti | ||
 Greggio e la Charlene Tilton in na figùra dal film | ||
| Al silénsi di parsùt 1994 | ||
|---|---|---|
| Regìa: Ezio Greggio | ||
| Scritōr: Ezio Greggio | ||
| Atōr: Ezio Greggio • Charlene Tilton • Billy Zane Dom DeLuise • Joanna Pacula • Joe Dante Phyllis Diller • Shelley Winters • Stuart Pankin Larry Storch • John Carpenter • Martin Balsam Eddie Deezen • John Astin • Bubba Smith | ||
| Müsica: Parmer Fuller | ||
| Léngua: Inglés • Itagliàṅ | ||
| Dürä dal film: 81 minüt | ||
| Nasiōṅ: Stat Unî • Itàglia | ||
Il silenzio dei prosciutti (Al silénsi di parsùt) 'l è na cumèdia parudìa americàna e itagliàna dal 1994 scrita, recitàda, prudóta e giràda p'r Ezio Greggio chè a 'l sò debùt da regìsta. La tōś in gir soquànti pelìculi ad scarésa cuma Il silenzio degli innocenti, Psyco, L'esorcista, Misery non deve morire, Dracula di Bram Stoker e àtar film cuma Basic Instinct, Una pallottola spuntata, RoboCop, Terminator, Scuola di polizia e Guerre stellari.
L'è custdàda tri migliòṅ ad dòlar a 'l incìrca. In soquànt camèo i s pōlan catàr i regìsta John Carpenter, Joe Dante, John Landis e Mel Brooks, qvést chè amìg dal còmig piemuntéś.
Sunt
'L agìnt d'l FBI Jo Dee Fostar (Billy Zane) 'l è impgnâ a dar la casa a 'n periculóś masadōr seriàł ch'l à cupâ da piò ad 120 óm in un méś. A dar-ag na maṅ a gh pénsa 'n manìac umisìda e psicupàtig ch'al s cata in dal manicòmi 'd Hollywood, al dutōr Animal Cannibal Pizza (Dom DeLuise).
In cal méntar la muróśa 'd Jo Dee, la Jane Wine (Charlene Tilton), la śgranfgna quatarsènt-mila dòlar da l'aśiénda in du la lavóra sóta padròṅ e la s lóga cun tut chi bèsi lè in 'n albêrg luntàṅ da la sità, purtâ avànti p'r un tisi ciamâ Antonio Motel (Ezio Greggio) ch'al gh'à na màd'r in là c'n i an ch'la viṿ sèg (Shelley Winters). La ladra la vîṅ pò masàda da lò, cun na pirùca in cô, méntar la s fava la dócia.
La pulisìa, ch'la n sà in du ciapàr, l'arèsta dal parsòni a caś méntar la surèla dla Jane, la Lily (Joanna Pacula), la dmanda ajùt a Jo Dee.
Culegamènt estéran
This article uses material from the Wikipedia Emiliàn e rumagnòl article Il silenzio dei prosciutti, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.