Il Dottor T E Le Donne
C'l artìcul chè 'l è scrit in Miranduléś
Miranduléś Dr. T & the Women | ||
| Il dottor T e le donne | ||
 L'Helen Hunt e Gere in na figùra dal film | ||
| Al dutōr T e cal dóni 2000 | ||
|---|---|---|
| Regìa: Robert Altman | ||
| Scritōr: Anne Rapp | ||
| Atōr: Richard Gere • Helen Hunt • Laura Dern Farrah Fawcett • Shelley Long • Janine Turner Tara Reid • Kate Hudson • Ramsey Williams Robert Hays • Andy Richter • Dorothy Deavers Lee Grant • Matt Malloy • Liv Tyler • Ellen Locy | ||
| Müsica: Lyle Lovett | ||
| Léngua: Ingléś • Tedésc • Spagnōl | ||
| Dürä dal film: 122 minüt | ||
| Nasiōṅ: Stat Unî • Germàgna | ||
Il dottor T e le donne (Al dutōr T e cal dóni) l'è na cumèdia dal 2000 ad Robert Altman giràda dagnóra tuta a Dallas in Tèxas.
Al film 'l è custâ dódas migliòṅ ad dòlar e al 'n à fat sù da piò ad vint-a-dū.
Sunt
Al Dr. Sullivan Travis (Richard Gere), ciamâ "Dr. T", al gh'à dimóndi bèsi in bisàca e al fà al ginecòlug p'r al dóni più richi dal Tèxas. La sò vita la và in a risć 'd andàr a ròtui quànd sò mujér, la Kate (Farrah Fawcett), la taca a patìr na bruta fórma 'd depresiòṅ e l'è custréta a far-as curàr in 'n uśdàl psichiàtric.
La fiōla più granda dla còpia, la Dee Dee (Kate Hudson), la gh'à da spuśàr-as ma in cōr suo l'è anc un pôc lèśbica e la s la fà cun la damigèla 'd unōr, la Marilyn (Liv Tyler), méntar qvéla più pìcula, la Connie (Tara Reid), l'è arvèrsa cum un bric. La sò segretària la s ciàma Carolyn (Shelley Long) e l'è inamuràda ad Travis ma chi lò al n gh dà gnanc a mènt. Chi lò al gh'à anc na cugnàda, la Peggy (Laura Dern), ch'la n s fà mai i cas suo.
Al Dr. T al sa stufa e al taca a śugàr a golf e chè al cata n'istrutōra ch'la dvènta na sò amìga, la Bree (Helen Hunt), e fórsi anc quèl da piò.
Culegamènt estéran
This article uses material from the Wikipedia Emiliàn e rumagnòl article Il dottor T e le donne, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.