Fiore Bruciato
C'l artìcul chè 'l è scrit in Miranduléś
Miranduléś Wildflowers | ||
| Fiore bruciato | ||
 La Clea DuVall in na figùra dal film | ||
| Fiōr bruśâ 1999 | ||
|---|---|---|
| Regìa: Melissa Painter | ||
| Scritōr: Melissa Painter | ||
| Atōr: Clea DuVall • Daryl Hannah • Tomas Arana Eric Roberts • Richard Hillman • Eric Yetter Robert Hass • John Doe • Alan Gelfant | ||
| Müsica: Sam Bisbee | ||
| Léngua: Ingléś | ||
| Dürä dal film: 93 minüt | ||
| Nasiōṅ: Stat Unî | ||
Fiore bruciato (Fiōr bruśâ) 'l è 'n film dramàtic americàṅ dal 1999 dla Melissa Painter ch'la 'l à anc scrit.
'L è stâ girâ in Califòrgna muciànd pò sù sinc-mila dòlar a 'l incìrca in dla prima stmana 'd prugramasiòṅ in di cìnema di Stat Unî.
Sunt
La Cally (Clea DuVall) l'è na śuvnòta 'd darsèt an ch'la viṿ da 'l bandi ad San Francisco in du la pasa dimóndi tèmp c'n i sò amìg Graham (Richard Hillman) e Dylan (Eric Yetter). Da pìcula l'è stada bandunàda da sò màdar bohémien e adès la stà da sò pàdar buletàri e scansafadìghi Wade (Tomas Arana) ch'al fà 'l muratōr e ch'al s è cumpagnâ cun n'atra dóna, la Ruby (Irene Bedard). I dū i n vànan minga tant 'd acòrd parchè i èṅ tròp difarènt.
Un dè la ragàsa la buta 'l òć su na dóna ciamàda Sabine (Daryl Hannah) vduda in dal bar ad Trip (David Graham). Chi lē la fà la pitōra e la viṿ insém a 'n puvéta più grand ad lē, Robert (Robert Hass). La Cally la dmanda dgl'infurmasiòṅ su 'd lē a 'l sò èx muróś, un tisi ch'al vénd la marijuana in sactèṅ, Jacob (Eric Roberts).
Quànd Robert al mōr, la Cally la s davśìna dimóndi a la Sabine e la taca a ligàr-'s a lē tant che quànd la pitōra la decìd ad far al valìś p'r andàr a star da na quàlc banda basta ch'a sia, la ragàsa la vrév andàr sèg.
Culegamènt estéran
This article uses material from the Wikipedia Emiliàn e rumagnòl article Fiore bruciato, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.