Così Dolce... Così Perversa
C'l artìcul chè 'l è scrit in Miranduléś
Miranduléś Così dolce... così perversa | ||
 Trintignant e la Carroll Baker in na figùra dal film | ||
| Acsè dōlsa... acsè parvèrsa 1969 | ||
|---|---|---|
| Regìa: Umberto Lenzi | ||
| Scritōr: Luciano Martino Ernesto Gastaldi • Massimo D'Avack | ||
| Atōr: Jean-Louis Trintignant • Carroll Baker Helga Liné • Horst Frank • Ermelinda De Felice Erika Blanc • Giovanni Di Benedetto • Irio Fantini | ||
| Müsica: Riz Ortolani | ||
| Léngua: Itagliàṅ | ||
| Dürä dal film: 92 minüt | ||
| Nasiōṅ: Itàglia • Frància • Germàgna Òvest | ||
Così dolce... così perversa (Acsè dōlsa... acsè parvèrsa) 'l è 'n thriller eròtic dal 1969 'd Umberto Lenzi, al sò secónd śal sexy cun la Carroll Baker dòp Orgasmo dal stés an. P'r al còpi destinàdi a i marcâ èstar, in dua 'l è cgnusû cuma So sweet...so perverse in dal Régn Unî, Si douces, si perverses in Frància e Die süsse Sunderin in Germàgna, i èṅ stadi śuntàdi dal séni più spurcaciòni.
Sunt
Jean Reynaud (Jean-Louis Trintignant) 'l è 'n industriàł in dal camp dla chìmica e 'l è spuśâ cun la Danielle (Erika Blanc). I dū, na parfèta còpia burghéśa, i aṅ decìś ad vìv'r al sès in na manéra libra e 'l arìṿ da cal bandi là dna biundìna tuta pévar, la Nicole Perrier (Carroll Baker), ch'la sa stablìs darènt a lōr, al dà 'l ucaśiòṅ a Jean ad far-'g al fîl. Chi lē la gh'à sèmp'r adòs un śōvan catìṿ, narvóś mat e salvàdag ad nóm Klaus (Horst Frank) ch'al n la lasa mai in paś, rivànd anc a dar-ag dal bòti.
Jean al taca a ligàr-as sèmpar da piò a la Nicole, andànd-'g anc a lèt, ma un dè al ciàpa na scurtlàda da part ad Klaus e al mōr. 'L óm, ch'l éra 'd acòrd cun la Nicole e la Danielle, qvésta chè la sò amànta lèśbica, al carga in màchina al cadàvar d'l industriàł e pò al la buta śò par na scarpàda par scanślàr incòsa. Adès i bèsi i èṅ tut par lōr ma Klaus e la Nicole i gh'aṅ di àtar tragatèṅ da mét'r in òpra cóntar la védva.
Culegamènt estéran
This article uses material from the Wikipedia Emiliàn e rumagnòl article Così dolce... così perversa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.