C'l artìcul chè 'l è scrit in Piasintëin
Candido Portinari (Brodowski, 29 ad dṡëimbar 1903 - Rio de Janeiro, 6 ad fabrär 1962) l'è stä un pitùr brasiliàn, voin d’i püsä impurtänt dal so Paès.
Nasìd a Portinari Brodowski, in d'la Fazenda Santa Rosa, in dal Stät ad São Paulo 29 ad dicëimbar 1903, l'era al sacùnd ad dùdaz fiöi; sò pèr e sò mèr i'eran Itagliàn, e i's ciamàvan Giovan Battista Portinari e Domenica Torquato..
L'ha stüdiä a São Paulo e Rio de Janeiro (1918-1920), in Gran Bretagna, in Spagna, in Italia, e a Paris. Dal 1936 al 1939 l'è stä Prufasùr a l'Univeritä ad Rio de Janeiro. I'enn dal 1936-1945 i famusìsim afrësc al Ministerio da Educação: Il lavoro della terra, I giochi dei bambini, I quattro elementi.
Vèrs al 1940 l'ha cambiä tecnica in s'al dramàtic cun i'opri Vittime della guerra, Vittime della siccità e Bambino che piange dal 1945; Bandito brasiliano con donna e Donna che piange dal 1947. Dü opri da c'al tëimp chè i's trövan al Palàsi ONU a New York.
Vèrs la fëin dal '40 al sa candida cul Partido Comunista Brasileiro, ma al pèrd par pòc e i militàr la mandan via dal Brasil. Al vëign indrè in dal 1951, ma al cumëincia a vìgg prublema ad salüt, par via c'al raspirava al gàs d'i culù c'al druava par pitürà.
Al princìpi dal 1962 al vëign a Milan e al mör al 6 fabrar 1962.
This article uses material from the Wikipedia Emiliàn e rumagnòl article Candido Portinari, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.