Film Blade
C'l artìcul chè 'l è scrit in Miranduléś
Miranduléś Blade | ||
| Blade | ||
.png) Wesley Snipes in na figùra dal film | ||
| id. 1998 | ||
|---|---|---|
| Regìa: Stephen Norrington | ||
| Scritōr: Marv Wolfman Gene Colan • David S. Goyer | ||
| Atōr: Wesley Snipes • Stephen Dorff • Udo Kier Donal Logue • Kris Kristofferson • Arly Jover N'Bushe Wright • Traci Lords • Eric Edwards | ||
| Müsica: Mark Isham | ||
| Léngua: Ingléś | ||
| Dürä dal film: 120 minüt | ||
| Nasiōṅ: Stat Unî | ||
Blade (id.) 'l è 'n film fantàstic americàṅ dal 1998 ad Stephen Norrington trat da 'l persunàǵ di fumét dla Marvel Comics creâ par Marv Wolfman e par Gene Colan. In dla part dla Racquel a gh'è l'èx atōra ad film pòran Traci Lords.
Custâ quarànta migliòṅ ad dòlar, al film al 'n à pò purtâ a cà da piò ad sènt-trént'òṅ. Al gh'à abû dū séguit, Blade II in dal 2002 e Blade: Trinity in dal 2004.
Sunt
In di an Ssanta na dóna 'd culōr la parturìs al sò putèṅ ma la mōr p'r un śbóc ad sangṿ. Chi lò 'l è Eric Brooks (Wesley Snipes). Dvintâ grand, c'n al scutmàj 'd “Al Diùran”, lì lò tut vistî ad nég'r e cun di uciài da sōl adòs al taca na batàja sénsa quartēr c'n i vampîr. Dòp na lòta cun chi èsar lè in na discutéca al bruśa 'l còrp ad Quinn (Donal Logue), òṅ ch'al lavóra p'r al sò nemìg più catìṿ ch'a sa gh sia, al Diàcun Frost (Stephen Dorff).
Quinn però al n è mia mòrt. Purtâ a 'l uśdàł p'r ès'r eśaminâ, al masa 'n mèdag e pò al mòrśga la dutōra Karen Jenson (N'Bushe Wright). La pulisìa la dà adòs a Blade ma chi lò al gh la cava a scapàr via dòp avér tajâ via na maṅ a Quinn e purtâ sèg la dóna ch'la gh arcòrda sò màdar. Rivâ a la sò baś, al sò jutànt e insgnànt Abraham Whistler (Kris Kristofferson) al gh dà na cura par far-la guarìr méntar Blade, mèś óm e mèś vampîr, al gh'à sèmpar da far dal puntùri par reśìst'r a la sē 'd sangṿ.
Da n'atra banda, in dla “House of Erebus”, al cunsìli di vampîr, Lord Dragonetti (Udo Kier) al s la tōś c'n al Diàcun Frost parchè 'l è 'n ciùcia-sangṿ dvintâ e minga nâ cuma lò.
Culegamènt estéran
This article uses material from the Wikipedia Emiliàn e rumagnòl article Blade (film), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.