ދެވަނަ ސުލްޠާން އަބޫބަކުރު
ސުލްޠާން އަބޫބަކުރު (ދެވަނަ) އަކީ މީލާދީން 1554 ން 1554 އަށް ދިވެހިރާއްޖޭގެ ރަސްކަން ކުރެއްވި ރަދުންނެވެ.
އެއީ ހިޖުރައިން 962 ވަނަ އަހަރު އެވެ. މިރަދުން ރަސްކަމަށް އިސްވެ ވަޑައިގަތި ހިޖުރައިން 962 ވަނަ އަހަރުއެވެ.
ރަސްކަމުގެ ދުވަސްވަރު
އައްސުލްޠާން އަބޫބަކުރު (ދެވަނަ) ސިރީ އަސާލީސް ލޯކަ މަހާރަދުންނަކީ އިބްރާހީމް ފާށަނާ ކިލެގެގެ ސަންފާ ދިޔޯއާއި ކައިވެނި ބައްލަވައިގެން، ލިބިވަޑައިގަތް ދަރިކަލެކެވެ. މިރަދުން ރަސްކަމަށް އިސްވެ ވަޑައިގަތި ހިޖުރައިން 962 ވަނަ އަހަރުއެވެ. އެއީ ސުލްޠާން ޙަސަން (ނުވަވަނަ) ރަސްކަން ދޫކޮށްލެވިތާ 4 އަހަރު ފަހުންނެވެ.
ސުލްޠާން ޙަސަން (ނުވަވަނަ) ރަސްކަން ދޫކޮށްލެއްވުމަށްފަހު ފާއިތުވި 4 އަހަރު ވެގެންގޮސްފައިވަނީ ދައުލަތުގެ ކަންތައްތަކުގައި އެއްވެސް އިންތިޒާމެއް ނެތް އަހަރުތަކެއްގެ ގޮތުގައެވެ. ސުލްޠާން އަބޫބަކުރު (ދެވަނަ) ރަސްކަމަށް އިސްވެވަޑައިގަތުމަށްފަހު، ދައުލަތުގެ ކަންތައްތައް ހިންގުމަށް އިންތިޒާމެއް ގެނެވޭތޯ މަސައްކަތް ފެއްޓެވިއެވެ. ނަމަވެސް އޭނާގެ މަސައްކަތް ނުނިމިއުޅުއްވަނިކޮށް ފިތުނަވެރި ބައެއްގެ ރޭވުމުން އޭނާގެ ހަށިކޮޅާއި ފުރާނަ ވަކިކޮށްލައިފި އެވެ. ބުނެވެނީ މިދެންނެވި ބަޔަކާއި ހަނގުރާމަކުރައްވަނިކޮށް ސުލްޠާން އަބޫބަކުރު (ދެވަނަ) ޝަހީދުވެ ވަޑައިގެންނެވީ ކަމުގައެވެ.
ސުލްޠާން އަބޫބަކުރު (ދެވަނަ) ޝަހީދުވެ ވަޑައިގަތީ ހިޖުރައިން 962 ވަނަ އަހަރު އެވެ. ރަސްކަންކުރެއްވީ 4 މަސް ދުވަހުގެ މުއްދަތަށެވެ. ފަސްދާނު ލެވިފައިވަނީ ބޮޑުގަލު މިސްކިތްތެރޭގައެވެ.
މަރުޖިޢުތައް
- ތަންގީޙު ކުރެވުނު ދިވެހިރާއްޖޭގެ ތާރީޚްގެ ތަންތަންކޮޅު - މުޙައްމަދު އަމީން
އިތުރު ފާލަންތައް
- ދިވެހިބަހާއި ތާރީޚަށް ޚިދުމަތްކުރާ ގައުމީ މަރުކަޒު
- މޯލްޑިވްސް ރޯޔަލް ފެމިލީގެ ވެބްސައިޓް
- ރޯޔަލް އާރކްގެ ވެބްސައިޓް
| ކުރިން ހުންނެވީ: ސުލްޠާން ޙަސަން (ނުވަވަނަ) | ދިވެހިރާއްޖޭގެ ރަދުން - | ފަހުން ވަޑައިގަތީ: |
This article uses material from the Wikipedia ދިވެހިބަސް article ސުލްޠާން އަބޫބަކުރު (ދެވަނަ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ދިވެހިބަސް (DUHOCTRUNGQUOC.VN) is an independent company and has no affiliation with Wiki Foundation.