Thomas Paine, ser 1737, 29 menga çıle dı, mıntıqa İngıltere Norfolk dı suka Thetford dı maya xü ra biyo u ser 1809 dı, 8 menga temuzi dı suka DAY New York City dı şiyo heqeyda xü ser.
İngılız-Émeriqan Paine, ju kı İngılterey ra qandê Émeriqa serbestey waşto u gürweyayo ina ra ju zi Paine yo.
Thomas Paine | |
---|---|
Melumato şexsi | |
Dewlete | Qıraliya Britanya Gırse |
Cınsiyet | Camêrd |
Cayê biyayışi | Thetford |
Biyayış | |
Merdış | (New Rochelle de merdo) |
Cayê merdışi | Greenwich Village |
Wendış | Thetford Grammar School |
Gure | Filozof, Siyasetkar, nuştekar, Dekewter, Rocnameker, Nuştekarê nesiri û Nuştekarê politiki |
Zıwani | Fransızki û İngılızki |
Hempar | Mary Lambert û Elizabeth Ollive |
İtıqad | Deizm |
İmza |
Thomas Paine, İngıltere dı mabênê dewıjan dı gırd bı. Piyê cı Joseph Paine, merdımê do ézayê xırubê do fanatik biyo (na xırubi rê vanê Kılisey Anglikani). Gürweyê cı zi deştenda qorsey biyo (qorsedeştox). Thomas Paine, çı wext beno dıwês (12) sere, mektebi ra fek verdeno u piyê xü hetı çıraxey keno. Çı wext beno newês (19) sere kelegê (botê) ticari dı gürweyeno u ser 1759 dı doş beno yeno İngıltere u xü rê dukanê qorse, suka Sandwich, Kent dı akeno, éyni ser zewıcêno u sere sera tepa zi cınya cı şına réhmet.
Sera 1760’an dı zaf suk u ca vırneno. Ser 1768 dı bar keno şıno Lewes, East Sussexi u wuca dı bı wahêrdê kêyey Samuel Ollive u êy yaremeteya Paine kerd u cı kerd ézayê ju piyabestenda méhli. Thomas Paine, o piyabesteni dı élaqay cı bı persê siyasi vırazya u êy qandê feqir u nêçaran perey arêdayê pêser. Paine, ser 1771 dı newedera izdiwac kerd u bı kêynada Samuel Ollive, Elizabeth a zewıcya.
Ser 1772 dı meqaledê xü yê sıfteyını vız u panc peri ser siyaseti bı namedê The Case of the Officers of Excise (méhkemeda ju dêyndar serdemê leşkeran) nuşna. Maqalada cı sera dı (2) seri ramıt yan nê no Londra dı Benjamin Franklini di. Bı teşwikê Benjamin Franklin no 1774 dı verê kı kêy xü bar kero şıro Émeriqa cınya xü verdeno (fek cıra verdeano, teléq dano) u şıno Émeriqa dı ca beno.
Bı maqaleda xü yê kı ser 1776 bı namedê Common Sense (hisê raşt [sağduyu]) mabênê şarê Émeriqan dı yaremetey di u nuşte bı xü serbesteyda Émeriqa, İngıltera ra waştê. Paine na meqala xü ters ra anonim (bêname) nuşna. Na maqale tesirê George Washington ke u Washington va wextê abıyayenı Émeriqa u İngıltere pêyşayo/hadıreyo. Na nuşte tesirê zaf merdıman kerd nina ra şend bini zi: Thomas Jefferson, Benjamin Rush, Abraham Lincoln u Thomas Alva Edison o. Thomas Jefferson u Benjamin Rush Dekerasyonê Serbesteyda Émeriqa nuşnay.
Paine ser 1800 dı Napoleon di. Verê Paine Napoleon zaf hézkerdê u cayê no hézkerdenı qıcıx gırot u Napoleoni méhkum diktatorey keno. Paine héta ser 1802 Fransa dı maneno u dıma vêyndayenda Thomas Jefferson fına newedera tepya şıno Émeriqa. Paine yeno Émeriqa u çend seri dıma şıno heqeyda xü ser. Defnê cı dı tenya şeş medımi estbiyo. Esteyê Paine, William Cobbett cayê cıra hewanano u beno İngıltere.
This article uses material from the Wikipedia Zazaki article Thomas Paine, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Zerrekê cı bınê CC BY-SA 4.0 de qeyd biyo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zazaki (DUHOCTRUNGQUOC.VN) is an independent company and has no affiliation with Wiki Foundation.