Deizm

Deizm de mentıq esto, merdum cihan u asmêni be mentıq u aqılê xo zano. A ri ra deizm heme dinanê ke zerrekê inan de wehiy u inspirasyoni estê, red keno. Deizm de Homa esto, ema Homa zey Homayê dinan niyo. Merdumo ke xo sero deizmi rê bawer keno, cı rê Deist vaciyeno. Deizm u ateizm yewbinan ra ciyarê. Ateizm de Homa çıniyo u nêşeno bıbo, ema Deizm Homay est amoreno. Homayê deizmi, Homayo ke heme cihan u asmên vıraşto, inan rê qanun dayo, ema merdum u cihani rê dest nêkeno, xoser verdayo. Kehaneti, mucizey, dogmayê dini, demagojiy u be redkerdışê dinan ra, peyğamberi, kıtabê dini, sewab, guna, ibadet, dua, wehiy, melek, cin, şeytan, cenet, ceheneme, axiret u qeder deizm de ca nêgenê. Ema tayê deistan şenê dıma merdışi cıwiyayış u reenkarnasyoni rê bawer kerê.