Revolusyon halê verêni ra halê newey rê ravêrdışo, evolusyono yanê abıriyayışo.
Revolusyon oyo ke abıriyayışo neweyo, peyseri ra abıriyayış ya zi peyserşiyayış niyo. Eke vuriyayışo sosyal be destê merdumi ra leze gêno u qezenc keno, no revolusyon beno. Revolusyon lezeyo, rıçıkê xo esto u çiyê neweyi ano. Revolusyon de şar arê beno, mılet be xo hareketê sosyali veceno, rejimo ke nêwaziyeno mılet dey ano cêri u sistemê xo vırazeno. Heto bin ra revolusyon vıriyayışo politik areze keno.
Revolusyon u darbe miyan de ferq esto. Darbe be zorbaziye vıraziyeno hama revolusyon mılet be xo keno, waştışê xo raştneno. La, darbe ebe destê eskeriya ra vıraziyeno, zorbaziye ihtıwa keno u sistemê hukmati nêvırneno tenya merdumê ke dewleti ser de vındenê, inan ano cêri u vırneno ya zi hukmat beno destê xo ra vısto.
Revolusyon u protesto/isyan miyan de zi ferq esto. İsyan de yew cemat ya zi yew şar be xo sere veceno, sere hewadano. Tırkiya de dıma darbey 1980i, kıtabê dersi ra kelmê revolusyoni (dewrimi) weş u hewl nêvêniyao u kıtabanê dersi ra veciyao, be kelmê ixtılal u inqılabi ra vuriyao.
This article uses material from the Wikipedia Zazaki article Revolusyon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Zerrekê cı bınê CC BY-SA 4.0 de qeyd biyo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zazaki (DUHOCTRUNGQUOC.VN) is an independent company and has no affiliation with Wiki Foundation.