Heqê Lgbty

Heqê merdımê LGBTi ca be ca vıriyenê, her ca de yewbini nêtepışenê. Tayê dewletan de heqi estê zey zewecê hemcınsbazan u yewiya medeni, tayê cayanê binan de zi hemcınsbazan rê cezay kıştışi esta. Qanunê ke merdımanê LGBTi sero vıraziyayê, wayirê qıc u domani biyayışi, heqê goçkerdışi, heqê eskeriya rê kewtışi, heqê diskriminasyoni, heqê sucê nefreti, sodomiye u heqê qanuni ver de hem amariyayışi, inan ra yenê pêra.

Mıletê Yewbiyayey, serra 2011ıne de deklarasyon ilan kerdo ke merdumê LGBTy sero diskriminasyon, cırakerdış u cıraamardış, sucê nefreti, hemcınsbazan rê cezadayış u şıdetmocnayış kewnê/kunê zerrekê cawıtış u ixlalê heqanê merduman u gereke ke heq u hıquqê hemcınsbazan bısevekniyê, bıpawiyê u inan sero rapor bıvıraziyo. Ewro des u heşt dewletan de zewecê hemcınsbazan esto.

 

Tarixê Hezirane 26 2015i ra nat, des u heşt dewletê cihani de tenê hemcınsbazi şenê bızewecê yani hemcınsbazan ra zewec esto. Namê enê dewletan: Arcantin, Belçıka, Brezilya, Kanada, Danimarka, Fransa, İslanda, İspanya, Luksemburg, Hollanda, Zelanda Newiye, Norwec, Portekiz, Afrikaya Veroci, İswec u Dewletê Amerikayê Yewbiyayey and heto bin ra taê cayanê ke bınê enê dewletan de manenê, inan de zi zewecê hemcınsbazan esto. Desto bin ra zi, hewt dewleti de zi hemcınsbaziye rê cezaya kıştene esta. Namê enê dewletan: Erebıstanê Seudi, İran, Efğanıstan, Sudan, Moritanya, Yemen u Bruney.

• Heqê merdıman
• Heqê cêniyan