E-Class
Mohammad Mumuni (28th July 1949) nyɛla bɛ ni daa dɔɣi so silimiin' goli "July" biɛɣu pihita ayika dali yuuni 1949. O nyɛla Ghana bilichini ka lahi nyɛ looya mini siyaasa nira. O daa nyɛla palimɛnti jintɔra 2004 yuuni, n-zaŋ ti Kumbuŋ piibupiibu yaɣili, ka daa ti nyɛ ŋun yi jintɔri tali maa puuni pirimla tingbani zuɣulaan' kuro jilimalana John AttaMills ni daa piigi o ni o lee zuɣulaampaa ka bɛ kpaɣiri bo Ghana tingbani zuɣulaan' tali la. Bɛ daa bi nyɛ nasara ka Kumbuŋ yaɣilinima daa lahi labi piigi o Burinya goli ni, 2012 Ghana zaa piibupiibu la niŋbu ni ka o lahi lee jintɔra zaŋ ti Kumbuŋ piibupiibu yaɣili. Di daa bi niŋ dabaayi ka tingbani zuɣulaankuro, John Mahama daa gahi nuu boli o, n-daa ti ti o kpamli ka o daa bahi jintɔri tali maa ka daa mali gbaai lala kpamli maa.
Muhammad Mumuni daa chaŋla shikuru "Kumbungu Local Authority", 1955 zaŋ chaŋ 1960 sunsuuni. O daa bi zani ni, ka lahi chaŋ "Savelugu Local Authority Middle School", 1962 zaŋ chaŋ 1969. O daa lahi chaŋ la Tamale Secondary School (TAMASCO), 1962 zaŋ chaŋ 1969. O daa bi zani ka lahi tuɣi o shikuru yaha n-daa chaŋ "University of Ghana" n-daa ti dee o "LL.B (Hons). 1975 yuuni o daa deela "Barrister at law" shahira gbaŋ, "Ghana School of Law" karimzɔŋ karili la puuni.
Tuuli bɛ daa piigi o la Asambli jintɔra zaŋ ti Yagrafɔŋ piibupiibu yaɣili, Kumbuŋ tingbani ni. O daa gbubila lala nam ŋɔ yuma anii. Yuuni 1996 Burinya goli ni ka bɛ daa piigi o ka o lee jintɔri zaŋ ti Kumbuŋ piibupiibu yaɣili. O nyɛla Liɛm paati (NDC) nira. Yuuni 2000 Burinya goli ni yaha ka bɛ daa lahi labi piigi o ka o na kuli gbubi o jintɔritali. Buyi ka o daa di Kumbuŋ kuɣu maa. Tingbani zuɣulaankuro, jilimalana Atta Mills daa gahi nuu boli o, n-daa ti zaŋ fukumsi kpambalitali din su tiŋduya ni yɛlitɔɣa (Minister for Foreign affairs and Regional Integration) n-ti o, 2009 yuuni. Lala kpamli ŋɔ ka o daa gbubi hali ni silimiin goli January dabaa ayɔbu dali, 2013 yuuni. Vihigu puuni wuhiya ni o daa nyɛla ninvuɣi so bɛ ni daa pii ni o lee tuuli daambalo wulana palimɛnti jinaduu ka o daa lee zaɣisi lala kpamli ŋɔ.
O paɣaba
O bihi
This article uses material from the Wikipedia Dagbanli article Mohammad Mumuni, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lahabali be yaɣili ŋɔ CC BY-SA 4.0 gbaa yihi bɛ yi ti a tibili Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dagbanli (DUHOCTRUNGQUOC.VN) is an independent company and has no affiliation with Wiki Foundation.