John Stoddart

John Stoddart
Ganwyd	6 Chwefror 1773  Caersallog
Bu farw	16 Chwefror 1856  Llundain
Dinasyddiaeth	Lloegr
Alma mater	Eglwys Crist
Galwedigaeth	barnwr, newyddiadurwr
Tad	John Stoddart
Priod	Isabella Wellwood-Moncreiff
Plant	Mary Ann Stoddart, Isabella Maxwell Stoddart, Henry Moncrieff Stoddart, John Frederick Stoddart, William Wellwood Stoddart
Gwobr/au	Marchog Faglor

Fe annwyd Stoddart yng Nghaersallog, ac ef oedd mab hynaf John Stoddart, a oedd yn raglaw yn y Llynges Frenhinol. Priododd Sarah (ei unig chwaer) â William Hazlitt ar 1 Mai 1808. Addysgwyd Stoddart yn Ysgol Ramadeg Salisbury, ac wedi hynny yn Christ Church, Rhydychen, lle yr ymaelododd ar 25 Hydref 1790, a graddiodd yn B.A yn 1794, B.C.L yn 1798, a D.C.L yn 1801. Derbyniwyd ef yn aelod o Goleg yr Eiriolwyr yn 1801, ac o 1803 hyd 1807 bu yn Eiriolwr y Goron a'r Morlys yn Malta. Yn ystod ei amser ym Malta ymwelodd Samuel Taylor Coleridge â Stoddart.

Newyddiaduraeth

Wedi hynny dychwelodd Stoddart i Loegr i ymarfer yn y Doctors Commons. Cychwynnodd gysylltiad â'r Times, yn 1810 a gwasanaethodd fel arweinydd-awdur o 1812 ymlaen. Daeth Stoddart i gytundeb â John Walter yn Ebrill 1890 efo perchennog y Times, i ddod yn olygydd y papur newydd. Ysgogodd ei gydymdeimlad pybyr gyda'r Torïaid gerydd, ond gwrthododd Stoddart gais Walter iddo gymedroli ei dôn, ac o ganlyniad awdurdododd Walter Thomas Barnes, gohebydd ar y pryd, i olygu erthyglau blaenllaw Stoddart. Fodd bynnag, cynyddodd anwadalwch gwleidyddol Stoddart nes iddo gael ei ddiswyddo gan Walter yn ystod gaeaf 1816. Daeth Barnes yn olynydd iddo.