A ghjaddinedda organu (Chelidonichthys cuculus) hè una spezia di pesciu chì faci parti di a famiglia di i Triglidae.
| |||||
---|---|---|---|---|---|
Prionace glauca | |||||
Classifica scentifica | |||||
Regnu | Animalia | ||||
Divisioni | Chordata | ||||
Classa | Actinopterygii | ||||
Ordini | Carcharhiniformes | ||||
Famiglia | Triglidae | ||||
Generu | Chelidonichthys | ||||
Nomu binuminali | |||||
Chelidonichthys cuculus Linnaeus, 1758 | |||||
Hè largamenti sparta in l'Atlanticu di l'Estu, l'isuli britannichi (hè mintuvata dinò in Nurvegia), in a Mauritania (ancu Madera è l'isuli Azzori). Hè dinò cunnisciuta in tuttu u mari Tarraniu è forsi in u mari Neru.
A ghjaddinedda organu hè un pesciu di fondu assà carattaristicu, incù una grandi testa è ochja maiori. A testa hè prutetta da grandi placchi ussacuti è forti spini. I trè raghji infiriori di i nutaghjoli pitturali sò spiccati, in forma di diti, è cuntenini l'organi sinsuriali. A ghjaddinedda organu hà un corpu ribustu, una testa è l'ochja di grandi diminsioni è i scagli mudaratamenti grandi, ciò chì li parmetti di "senta" i picculi pesci, crustacei è altri invirtibrati chì stani in i sedimenti. Hè una di i più chjuchi di i ghjaddineddi auropei, aghjunghjendu una lunghezza massima di 40 cm (16 po). A culurazioni hè rossa rossa incù tacchi rusulini è arghjintini annantu i lati è a testa. I placchi ussacuti prutittrici annantu a testa, carattaristichi di tutti i ghjaddineddi, sò assà visibuli ind'è 'ssa spezia. Longu a linia latirali, ci hè un'infilarata di grandi scagli à forma di placchi. A nutaghjola dursali divisa hà novi lischi è da dicessetti à diciottu raghji moddi, mentri ch'è a nutaghjola anali ùn hà micca lischi è sedici à diciottu raghji moddi.
A ghjaddinedda organu hè urighjinaria di i rigioni timparati di l'Atlanticu è di u mari Tarraniu. L'ariali di ripartizioni si stendi da u sudu di a Nurvegia è di a Svezia versu u sudu insin'à à l'isuli britannichi, in a Francia, in a Spagna, à Madera, à l'Azzori è à a costa africana insin'à in Mauritania. Hè dinò prisenti in u mari Tarraniu è podarsi in u mari Neru. U liveddu di prufundità si stendi da a suparficia insin'à à circa 400 metri (1312 pi), ma si trova par u più trà 30 è 250 metri (98 è 820 pi). Ma a ghjaddinedda organu si pò truvà dinò annantu à a rena, i cotuli o i fondi marini rucciosi chì si ciba d'invirtibrati di fondu, com'è i crustacei, è ancu i picculi pesci.
This article uses material from the Wikipedia Corsu article Ghjaddinedda organu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Corsu (DUHOCTRUNGQUOC.VN) is an independent company and has no affiliation with Wiki Foundation.