Erba Santa
L' Erba santa (o arba santa) (achillea ligustica) hè una pianta chì face parte di a famiglia di l'Asteraceae.
| |||||
|---|---|---|---|---|---|
 | |||||
| Achillea ligustica | |||||
| Classificazione scentifica | |||||
| Regnu | Plantae | ||||
| Divisione | Magnoliophyta | ||||
| Classa | Magnoliopsida | ||||
| Ordine | Asterales | ||||
| Famiglia | Asteraceae | ||||
| Generu | Achillea | ||||
| Nome binuminale | |||||
| Achillea ligustica Aiton, 1753 | |||||
 | |||||
Discrizzione
L'erba santa hè alta 30 à 90 cm. U fustu hè drittu. A pianta musca forte. Fiurisce da ghjunghju à aostu. I fiori sò bianchicci. U fruttu hè un acheniu di circa 1,5 mm.
L'erba santa si scontra da 200 à 1700 metri. Si trova in e rigione mediterranie, à spessu in i prati o à u cantu di i stradoni.
U so numeru crumosomicu hè: 2n=18.
Ripartizione
L'erba santa hè originaria di a rigione mediterrania, più precisamente di a Liguria in Italia. Hè ancu prisente in altri paesi mediterranii tali a Francia, a Spagna è a Grecia. Omu a trova per u più in e pratuline, i pasciali, i bordi di stradelli è i terreni abbandunati. Priferisce e terre belle assiccate è assuliate.
L'erba santa hè prisente in Corsica ed hè assai cumuna.
Tassonumia
Achillea ligustica hè u nome scentificu accittatu per 'ssa spezia. Hà ancu statu discritta sottu à altri sinonimi, in particulare Achillea ligustica subsp. ligustica, Achillea cuneata Sch.Bip., Achillea nobilis subsp. ligustica (All.) Bonnier, Achillea sicula Raf. 'Ssi sinonimi facenu riferimentu à variazione geugrafiche o morfulogiche minore di a spezia.
Cunsirvazione
L'erba santa ùn hè micca cunsiderata cum'è una spezia minacciata. Hè largamente sparta in a so area di ripartizione naturale è ùn face micca l'ogettu di misure di cunsirvazione specifiche. Eppuru, per causa di a distruzzione di u so ambiente naturale duvuta à l'urbanisazione è à l'agricultura intensiva, certe pupulazione lucale ponu esse affittate. Hè dunque impurtante di prisirvà e pratuline è e zone naturale induve 'ssa pianta cresce cù u fine di garantisce a so sopravvivenza à longu andà.
Usi
Gastronumia
In Corsica, l'erba santa hè imprudata in certi paesi per fà e fritelle, à spessu u venneri santu.
Medicinali
In Corsica, si facianu l'inguenti incù l'erba santa per curà e storte. Ci conta dinù Arnestu Papi ch'in San' Ghjuvanni era per appuntu u mumentu di coglie l'erbe salutifere è in particulare l'erba santa:
| « U ghjornu o a vighjilia di San Ghjuvanni hè u mumentu santu par codda l’arbi è l’arbetti chì curani i malatii o chì pruteghjani da i malanni. Uni beddi pochi hani virtù straurdinarii. I chjamani « arbi di San Ghjuvanni ». I più cunnisciuti sò l'arba di San Ghjuvanni, « l’arba santa », « a matricaria », o « a matrunella », o « a camumiglia », « a calendula » o « baraculi », « a salvia », « l’eddara », « l’erba di taglia », o « l’artimisia (...). » |
À i ghjorni d'oghje, si face in Corsica incù l'erba santa un oliu essenziale.
Lessicolugia
L'erba santa hè ancu chjamata l'erba sumerina.
Note
Bibliugrafia
- Conrad, Marcella, I corsi è e piante salvatiche, avà è innanzi, 1981, Adecec
- Gamisans, J. & Jeanmonod, J. (1993) Catalogu di i pianti vascularii di Corsica, Cunservatoriu è giardinu butanicu di a cità di Geneva: Geneva (in francese)
- Jeanmonod D. & Gamisans J. (2013) Flora Corsica (2 ed), Edisud.
- Paulu Simonpoli, E piante salvatiche - Cunniscenze è usi, 1982, Parcu Naturale di Corsica
Da vede dinù
Altri prugetti
Achillea ligustica annantu à Wiki Commons.
This article uses material from the Wikipedia Corsu article Erba santa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Corsu (DUHOCTRUNGQUOC.VN) is an independent company and has no affiliation with Wiki Foundation.