Ebrei Di Corsica

Durante seculi sò vinuti da l'Egittu, da Napuli, Paduva, Genuva, Milanu è Turinu.

A storia di i Ghjudei in Corsica data da l'annu 800, quandu una grande immigrazione vinuta da l'Egittu s'impiantò in u Pumonti di a Corsica ; una grande parte di issi ebrei mizrahim scrivìa è parlava l'ebreu. A più grande parte di elli si sò stallati cerca di un paese numatu Livìa, lucalizatu in terre cerca di Portivechju. Più tardi, a cummunità si hè dispersa dapertuttu in Corsica. In alcuni paesi di e muntagne, chjese pussedanu sempre tracce di documenti scritti in ebreu cerca di quelli scritti in latinu.

Tra l'anni 1500 è 1530, milli ebrei vinuti da Napuli è di L'Italia meridiunale anu fughjitu e persecuzioni è si sò stabiliti in e muntagne di u centru di a Corsica.

 

Ashkenaziti di Paduva

Tra l'annu 1590 è l'annnu 1684, l'ebrei ashkenaziti di Paduva in u Venetu sò ubbligati di vive in un ghetto dapoi 1516. Issu periodu fù pienu di viulenze contru à a cummunità ebrea. Una grande parte decide dopu issi disastrosi avvenimenti di emigrà in Corsica. L'abitanti i chjamavanu i Padovani, Issa casata ghjè assai sparsu oghje in l'isula.

Ashkenaziti di l'Italia di u Nordu

U finomenu di persecuzione cuntinua in Italia di u Nordu è l'immigrazione ghjudea a più cunnisciuta succede trà l'anni 1750 è 1769. Pasquale Paoli fù venne in Corsica trà 5000 è 10000 Ebrei di u nordu di l'Italia : da Milanu, da Turinu, da Paduva è da Genuva, per fà rivive l'isula dopu i 4 seculi d'occupazione genuvesa. Sò cunsiderati in Corsica cume uguali, Pasquale Paoli dichjara chì "L'Ebrei anu i listelli diritti chì i Corsi perchè cundividenu a listessa sorte". L'ebrei pudìanu cusì praticà liberamente u so cultu, ciò ch'ùn era micca u casu in a più grande parte di i paesi di u mondu.

 

A Corsica hè u solu locu di tutta l'Auropa induve nessunu attu antisemitu ùn hè mai statu dichjaratu è durante a Siconda Guerra Mundiale, nessunu ghjudeu di Corsica hè statu dinunciatu.

In 1947, a Corsica cuntribuisce à a criazione di u Statu d'Israele è un associu Corsica-Israele si hè messa in piazza per ligà e duie cummunità.

• http://www.terredisrael.com/infos/juifs-et-corses-freres-darmes/ Archiviu 2017-06-08 at the Wayback Machine
• http://larchemag.fr/Didier Long-entre la Corse et Juifs c'est une histoire d'âme/
• http://www.harissa.com/news/article/lhistoire-des-juifs-en-corse
• https://jforum.fr/les-juifs-de-corse-une-histoire-si-meconnue.html

• Storia di a Corsica
• Ebrei
• Israele
• Corsica
• Italia
• Venetu
• Genuva
• Pasquale Paoli